Populære bibelvers fra SAN MATEO 10

Del

Riquichic, ñucaca cancunataca ovejacunata atuccunapac chaupita cachac shinami cachani. Chaimanta cancunaca culebra shina yuyaisapacuna caichic, shinallatac paloma shina c'uyaillacuna caichic.

Maijanpish quiquin causaita llaquicca chingaringami, ashtahuanpish ñucata c'aticushcamanta quiquin causaita mana llaquicca quishpiringami.

Cuerpota huañuchiccunataca mana manchanachu canguichic. Cuerpota huañuchishpapish, cancunapac almataca mana huañuchi pudingacunachu. Ashtahuancarin almatapish, cuerpotapish ucu pachaman cachac Taita Diostami manchana canguichic.

Maijanpish cruzpi chacatashca huañuna shina llaquita apana cashpapish ñucata mana c'atishpaca, mana ñucapacchu canga.

Maijanpish gentecunaman ñucata c'aticushcata huillacpica, ñucapish jahua pachapi cac ñuca Taitapac ñaupapica: ‘Paimi ñucata c'atic’ nishami. Maijanpish gentecunaman ‘mana c'aticchu cani’ nicpica, ñucapish jahua pachapi cac ñuca Taitapac ñaupapica: ‘Paica mana ñucata c'aticchu’ nishami.

Shinallatac lepra*f** ung:uihuan caccunatapish, ima ung:uihuan caccunatapish alliyachinguichic, huañushcacunatapish causachinguichic, supaicunatapish llucchishpa cachanguichic. Chashna ruhuaclla cangapacca, ñucamantami yanga japishcanguichic. Chaimantami cancunapish yanga ruhuana canguichic.

Chashna cashcamanta gentecunataca mana manchanachu canguichic. Cancunacarin, achca zhutacunatapish yalli valicmari canguichic.

Ñucataca ‘sumac causaita cungapacmi, cai pachamanca shamushca’ nishpaca, ama yuyanguichicchu. Ñucaca mana sumac causaita cungapacchu shamurcani, ashtahuanpish p'iñanacui tiyachunmi shamurcani.