Populære bibelvers fra Jân 16

Del

Mbi langwakiyendi inyěni belombo těkabe, ovaně nd‘ inyěni o ka pahiyěni jonga o Umb‘-’i jadi. O ka diyandini na betuniya o he, ndi diyaki bwamu: Mbi bali he.

Nd‘ o Ilina ja pâkwěpâkwě i ka pâyě, i ka tumbwanandi inyěni o pâkwěpâkwě yěhěpi; ’kabojana A kale o pěl‘ ’aju mětě: ndi eaju e ka yokě, yâ nd‘ eaju e ka kalě: A ka leviděndi inyěni belombo be vakě.

O ’běni uwango elombo o vyo na dina jamě: uwakani, vâkâna o pahiyendini, ovaně nd‘ o mbya ’anyu e ka londě.

Tombekete ka yâ e di nonaně, Mbi langwakiyandi inyěni pâkwěpâkwě, na: E ndi bwam‘ o pěl‘ ’anyu n‘ Umba mbi kěkě: ’kabojana Mbi vale, Unyěvidi mua viye inyěni o jadi; ndi oningě Mba věngěmě, vâkâna Mbi ka lomi mâ inyěni o jadi. O Mu a kâ pâyě a ka suli he o pěl‘ ea bobe na ea hohonganěngo, na ea yěkě

O ndini kya těkaně na ngěbě: ndi Mbi ka yěni pě inyěni, vâkâna ebumulema eanyu e ka yěni mbya; moto a nângâne inyěni mbya ’anyu. O buhwa těboně oa uwi ’Mbani elombo. Mbi vâki n‘ inyěni pâkwěpâkwě mětě, na, Eanyu e ka uwě Hangwě na dina jamě, A ka věndi inyěni.

Pâkwěpâkwě mětě Mbi vâki n‘ inyěni, na, O ka yandini na inyěni o hilwakani, ndi he e ka peyandi: o ka yěněndini ngěbě, ndi ngěbě ’anyu e ka ’luwandi mbya.