Populære bibelvers fra Jân 15

Del

Umba ndi ukâdi, inyěni ndi paha. A jadi o ’Mb‘ ’i jadi, Umba tepě o mâ‐a jadi, mâ nd‘ a lângâkě bebuma beitě: ’kabojana Mbi diye, oa yâlěni o ha elombo ka ’lombo.

Diyakani o ’Mb‘ ’i jadi, Umba tepě n‘ inyěni. Pani ka paha e ha yâlâkě o lângâ ebuma yâ mětě, kabo e jadi o ukâdi: inyěni tepě oa yâlěni, kabo oa diyani o Mba‐mbi jadi.

Oningě oa diyani o ’Mb‘ ’i jadi, na ndaga jamě inyěni o jadi, o ka uwateni eanyu e ka vahě, vâkâna e ka hawěndi inyěni.

O bi ’Mbani pânângo, nd‘ Umba ndi jadi inyěni pânângo, k‘ Umba‐mba kenj‘ inyěni, na ovaně nd‘ inyěni o ka valě ka lângâ bebuma, na bebuma beanyu be ka bembakě: ovaně nd‘ o eanyu e ka uwě Hangwě na dina jamě, a ka vi jâ inyěni.

Moto a ’bě n‘ itândě iněně wa pě na ekadi, ja moto a vě eměnâ ’aju o pěl‘ ’a mbweyi jaju.

Paha yěhěpi e didi Umba‐mbi jadi e ha lângâkâ bebuma, a věngěkidi yâ: paha yěhěpi e lângâkě bebuma, a bongwaki yâ, ovaně nd‘ o yâ e ka lângě bebuma beitě.

Elekanako ’amě nd‘ ekae, na, Tândânâkâni, pani k‘ Umba mbi jadi inyěni tândângo.

Paia a bendakwěndi na ’kae ya na o lângâkândi bebuma beitě, nonaně nd‘ inyěni o ka diyěni beyokwedi beamě.

Umba ndi Ukâdi mua pâkwěpâkwě; Paia ndi momo a liyakě.

Oningě moto a diye o ’Mb‘ ’i jadi a uhudwěndi, na mâ‐a vivilaniya pani ka paha; vâkâna bato ba yolaki jâ na bâ‐ba uhwa jâ o veya, na jâ‐ja dikiya.

Mbi languwěndi inyěni belombo těkabe, na ovaně nd‘ o mbya ’amě e ka diyě n‘ inyěni, na na ovaně nd‘ o mbya ’anyu e ka londwě.

O ka diyandini n‘ itândě jamě oningě o tatakani belekanako beamě; pani k‘ Umba mbi di tatango belekanako bea Paia, n‘ Umba mbi jadi n‘ itândě jaju.

Mbi sombiyakěndi inyěni belombo těkabe, na ovaně nd‘ inyěni o ka tândâněni.

O jakani ba he, te he e tândâkât‘ ibaju mětě; nd’ he e binakandi inyěni ’kabojana o ’beni ba he, ndi Mbi pânângo inyěni o he.