Populære bibelvers fra Málɩ́kɩ 6

Del

Mà nyʋaá à dídilo bɩ́ a, á zumoleé ka ŋnɩ́ lé ɔ yà ɔ́ kʋjɩ̀nyʋ̀àà sɔ́ nɩ́ yɛ́ cásɩ lé a ká li. Bhʋ́ ɔ́ srʋ á mà: «A yi à wlʋ́ʋ dɛ́ gwá bhè à mʋ dɛɛ́ nyʋa nɩ́ kpanyɩ kʋ a, bhè a ka tòyipɛ nyɔɔ́bhleè!»

Bhʋ́ Zozíi srʋ á mà: «Dááfɩ́ɛ́ Lagɔ a nékʋ́cinyɔ plɩ́ɩlɛ a, ɔ bhlé mʋ á bhʋ́alɔɔ́, ɔ lɔ́lɔ́kpa, lé ɔ gbó a nyʋa nɩ́ mányɩ ɔ́ wɔlɩ́.»

Ɔ́ kwlíi kɔ́ɔ̀kʋ́ lé ɔ́ dʋdʋ̀ a, nyʋa yíe ʋ́. Ɔ́ yɛ́ a, á ŋazɩ kɔ́sɔlɔɔ́ duo a mnɩ́. Nɩ̀ yɛ́ a, nànɩ́ cémʋ́ bhlábhlɩ́ nɩ́ lɛ́ kʋjɩ̀nyɔ ka a. Lé ɔ́ bháa ʋ́ a wɔlɩ́ kɔ́kɔ́mnɩ́ a cɩ́alɛ kʋ́.

Ɩ̀lɩa á lɔ̀fɩ́ɛ́ kà ŋnɩ́ a zà, Zozíi nɩ́ ka míi lé ɔ ká dɛ́ lɛ̀wɔ̀lɩ̀pɩʋ nɩ. Gupuonyʋa á zùò, ámá ɔ́ gbɛ glɔ̀gbɩ́ jɩ̀ lé ɔ́ bhibhie lé à yalɩmà. Mà ɔ bhílie a nyúkwlí tɛmɛɛ́ mnɔɔ́ neé. Mà Zozíi bhlie dɩ́é fɩ́ɛ́ ɩ̀ mɛ́ ɔ bhlé a dúó gɔ̀ a, lé ɔ́ cɩ́alɛ mɔ̀ɔmɔ̀ nyʋa.

Lé Zozíi bhá flɔ́ɔbhie gbɩ́ɛ́ lé zrìyuo sɔ́ɔ́ kʋ́ lé ɔ́ dʋdʋ̀ lagɔɔ́ lé ɔ́ pɩ́ɩ́ nyú. Ɔ́ díi flɔ́ɔ mʋ́ lé ɔ́ nyɛ́ ɔ́ kʋjɩ̀nyʋ̀àà lé ɔ́ srʋ á mà a bhábhalʋʋ́ nyʋaá. Ɔ́ bhá sáà zrìyuo sɔ́ɔ́ lé ɔ́ bhábha nyʋa a lɔ̀fɩ́ɛ́. Nyʋaá a lɔ̀fɩ́ɛ́ li lé ɔ́ lʋ lé lelilɩ ji kʋ́. Flɔ́ɔ ʋ̀ ji kʋ́ lé á fa a, ʋ nie pápɩ́ a kʋ́gbá sɔ́ ʋ yà zrìè sɔ́.