Populære bibelvers fra Lúkɩ 6

Del

A nyɛ́ a lía, bhè Lagɔ ká amɔ nyɛ́! Ɔ nɩ nyɛ́ amɔ a, ɔ ká amɔ cɩ́cáda nyɛ́, bhʋ́ ɔ́ yi cɩ́cáda plí lé ɔ́ yi a kʋ́ yíè ɔ́ yi ʋ́ kʋ́ pɛpɩà lé bhʋ́alɛ́ yi wlúmɩ́à lé ɔ́ yi amɔ nyɛ́. Lɛ́ɛ́ nà kà mʋ́ mɩ́zɩ̀ a, ɛ́mɛ́ Lagɔ na ká kɛ́zɔ̀ bhá, lé ɔ ká nà nɩ dɛ́ mɩ́zɩ̀.»

Nyɔɔ́ ɔ̀ náa, námawɔlɩ ɩ̀ kʋɛ ɔ́ duo a mnɩ́, ɩ mnɩ́ ɔ́ bhá lé ɔ́ nie námasa. Ɩ́zà nyumonyɔ, nyumoé kʋ̀ ɔ́ duo a mnɩ́ a, ɛ mnɩ́ ɔ́ bhá lé ɔ́ nie nyumowɔlɩ. Wɔlíɛ́ ɩ̀ kʋ̀ nyɔ a duo a mnɩ́ a, ɩ́mɩ́ lalɔɔ́ neé.

A wà áa gblɩ̀nyʋa lé a nɩ a námɛ! A nɩ gbla nyɔ lɛ́ a, a sɛɛ́ duo bɩ́! A nɩ nɩ sɩ́tɛ̀ a, jɔ̀lʋ kádʋ yi amɔ plaà, lé a yi à tʋ́ Lagɔ a yúó plɩ́. Lagɔ náa bhàlʋ̀nyʋa a zà lé mónyùmònyʋa a zà.

Ɩ́bhìè cémʋ́ a Tʋ́ Lagɔ a duo náa lɛ́ a, sɩ́tɛ̀ mʋ́ á di nɩ náma!

A ná plɔ a lía, bhè Lagɔ nɩ ka amɔ plɔɔ! A ná gʋa a lía gbʋ́, bhè Lagɔ nɩ́ ka amɔ gbʋ́ gʋa! A cie a lía, bhʋ́ Lagɔ yi amɔ cie!

Mà náa srʋɛ amɔ, amɔɔ́ à pʋɛ mɔ́ɔ nyúkwlí a, a wà a gblɩ̀nyʋa. Nyʋaá à nɩ́ amɔ wà a, a nɩ a námɛɛ́! Nyʋa à bhusule amɔ a, a pá á nyú! Nyʋa à bhlile amɔ nyumosa kʋ́ a, a bhibhie a wlú!

Cémʋ́ a yrá lé nyʋa nɩ nɩ a zà a, a nɩ sáà sɩ́tɛ̀ nyʋa a zà!

Nyɔ nɩ wla mɔ̀ kpá nyúklú a, tʋalɔɔ́ ànʋ̀ɔ̀! Nyɔ nɩ bháʋ́ nà lɔkwɩ a, nyɛ́ ɔ́ lɔkwɩɛ́ a bùbúó! Nyɔ nɩ zra mɔ̀ a, nyɛ́ ɔ́! Nyɔ nɩ bháʋ́ nà lɛ́ a, nàá yrálɔɔ́ ɔ̀ mɛ́ mʋ́!

Suó ʋ̀ ná a, ʋ nɩ́ trʋ nyumo bhuo, lé suó ʋ̀ nyù a, nɩ́ trʋ sáà náma bhuo.

Suú a bhí á bhá lé á yɩbhlɩlʋʋ́. A nɩ́ à zà maglósu wlú figíesu a bhí saà. Lé a nɩ́ à zà sáà glàyʋ avʋkáasu wlú saà.