Populære bibelvers fra Matìyò 15

Del

Aghi ne dùwə̀ inga ichug abə wə̀d, ze nɔ̀ʼ inga fìŋ. À ya aghi ne ghìyə̀ gha imbə̀ʼ wə̀d zḛ yi ya aze. À ya ane imbə̀ʼ icheg ne tikɔndi tibɔ̀ŋ ya dùwə̀ inga fìŋ wə̀d. Tikɔndi tibɔ̀ŋ te ya inug icheg: anug ni zweti wə̀d, tì anug ni nɔ̀kì iweg wə̀d kə̀ nɔ̀kì inɔm wə̀d, tì anug ni nɔ̀kì àyi kə̀ nɔ̀kì mbaŋà abu abu, tì anug ni ji, tì anug ni bḛ anug ako igun wə̀d, fɔrɔ anug ni chìkì ikum wə̀d.

Kayi aghi ne nyḭ̀yḛ inga ichug abə wə̀d ze ghìyə̀ gha imbə̀ʼ tengàŋ zḛ yi. Aghi ne ghìyə̀ gha imbə̀ʼ wə̀d zḛ yi ya aghi ne dùwə̀ inga ichug abə wə̀d.”

‹Bəd mbo̰ mbe ghùmnə amə ane ikye ichug, si ya gha, ìtɔb fìŋ te agha se. Mbɔb mbe ghùmnə amə atog ako. Mbɔb mbe chwìte mə̀nɔ̀ʼɔ̀ bəd icheg ni gha à ya ìmbum mə̀nɔ̀ʼɔ̀.› ”

Yeso ya ywìtì ibo gha, “Àyi gho̰, ìwe ibḛfiŋ taŋ kà! Ane, aghi ne àghò kə̀bi, àghò biri bèrì.” Kwàʼ anyumə̀ we, azwighi tibɔ̀ŋ ze ya dù, nyɔd ŋwan àyi we bə mèg.

Anyumə̀ ne wì ya ghà ane, àyi we ya ghò gɔ̀m itog inwḭ ibo imbìghè ghà ibo gha, “Masà, wète amə!” Yeso ya ywìtì ibo gha, “Chəyi ze bɔŋi gha mbe niŋ ighijəg bɔn nàʼ abə bog.” Àyi we ya bḛ gha, “À ya ane masà, si ya gha, ka bèyi bog, ti ya jə̀ghə ichəpi ighi mbe ne fènde aseg anyumə̀ ne ìmbɔb mə̀mbaʼ mbe jə̀ghə igun fiŋaŋi.”