Populære bibelvers fra Lucas 13

Del

—Machi dauchia jãadua panásturu chi poraa pĩchua b̶uud̶e wãd̶ai baita. Biawãra ed̶a wãd̶ai baita ãrea duanuu maamina poyaa joma wãd̶aabai.

Aria wẽra b̶uasii. Mau wẽra jai kachiruaba 18 año ba b̶uasii eb̶uatu nii. Maud̶eeba poyaa jipa akʉ nub̶eeka basii. Jesusba mau unusiid̶e iuped̶a naka jarasii: —Wẽra, bichi aribiasii.

Maka jaraped̶a Jesusba ichi jua ʉ̃rʉ kub̶usii. Ara makʉd̶e chi wẽra jipa akʉ nub̶eeped̶a Dachi Akõremaa biꞌia jarasii.

Ara mau kĩra chi kaad̶eare nuree naa panad̶ai, maud̶e chi naa nuree kaad̶eare panad̶ai.

De chibariba chi poraa jʉ̃a nub̶usiid̶e chi awara panuurãba naka iud̶ai ewamera: “Dai mechiu, dai mechiu, ewase”. Maamina chi de chibariba panaui: “Mʉʉba machi kai aduama maud̶e samabena aduama”.

Mʉʉba jaraaruu: makawãema. Maamina machiba kachirua waubadau ida b̶ud̶aped̶a Dachi Akõremaa need̶awẽebʉrã machi sid̶a biud̶ai».

Maud̶e ichiba machimaa jaraaruu: “Mʉʉba machi kai aduama maud̶e samabena aduama. Kachirua waubadaurã, ãyaa wã́sturu”.

Maabae Jesusba jarasii: «Dachi Akõreba ichid̶irã ichi juad̶e ua b̶uu ¿kãare kĩra b̶uma? Mostaza taa kĩra b̶uu. Ẽbẽraba mau taa ichi druad̶e uusii. Tonoped̶a warisii ab̶a bakuru mechiu nub̶eeruud̶aa. Maud̶eeba ibana chi bakuru juad̶e de waukuad̶e neesid̶au».