Populære bibelvers fra ယူဝ်းႁၢၼ်ႇ 14

Del

ၵဝ်​ဢဝ်​တၢင်း​ၼိမ်​ဝႆႉ​တီႈ​သူ​ဢေႃႈ။ တၢင်း​ၼိမ်​ၵဝ်​ၸိုင်​ၵဝ်​ပၼ်​တီႈ​သူ​ဢေႃႈ။ ၵဝ်​ပၼ်​ၸိူဝ်ႉ​ၼင်ႇ​ဢၼ်​လေႃးၵႃႉ​ပၼ်​ၼၼ်ႉ​ဢမ်ႇ​ၸႂ်ႈ။ ယႃႇ​ပေ​ႁႂ်ႈ​ႁူဝ်​ၸႂ်​သူ မီး​တၢင်း​ဢၼ်​ယၢပ်ႇ​ၸႂ်​မႆႈ​ၸႂ်​လႄႈ သၼ်ႇ​ဝႆ​ၵူဝ်​ႁႄ။

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၼႆႉ​ပဵၼ်​သဵၼ်ႈ​တၢင်း​ဢေႃႈ။ သမ်ႇမႃႇ​တြႃး​ၵေႃႈ​ပဵၼ်​ဢေႃႈ။ ဢသၢၵ်ႈ​ၵေႃႈ​ပဵၼ်​ဢေႃႈ။ ပေႃး​ဢမ်ႇ​ဢိင်​ပိုင်ႈ​ၵဝ်​ၸိုင်၊ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ႁွတ်ႈ​ထိုင်​ၵႃႈ​တီႈ​ၸဝ်ႈ​ပေႃႈ​ၵဝ်​ၼၼ်ႉ​လႆႈ။

ယေႇသူႉ ​သမ်ႉ​လၢတ်ႈ​လႄႈ​ဝႃႈ၊ ယႃႇ​ႁႂ်ႈ​ႁူဝ်​ၸႂ်​သူ​မီး​တၢင်း​ဢၼ်​မႆႈ​ၸႂ်​ၶီ​ၸႂ်။ ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​တႃႉ။ ၵဝ်​ၼႆႉ​ၵေႃႈ​ယုမ်ႇ​မၢတ်ႈ​တႃႉ။

သြႃႇ​ဢူႉပိတ်ႉသေႇ ဢၼ်​ဝႃႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ၊ ဢၼ်​ပေႃႈ​ၸဝ်ႈ တၵ်း​ဢဝ်​တင်း​ဢၶႂၢင်ႉ​ၵဝ်​ပွႆႇ​ၸႂ်ႉ​မႃး​ၼၼ်ႉ တၵ်း​ၼႄ​ပျႃး​သင်ႇ​သွၼ်​လွင်ႈ​တၢင်း တင်း​သဵင်ႈ​တင်း​လူင်​ၵူႈ​ၸိူဝ်ႉ​ၵူႈ​ပိူင်​တီႈ​သူ​လႄႈ ႁႂ်ႈ​သူ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ၵႃႈ​ဢၼ်​ၵဝ်​လၢတ်ႈ​ဝႆႉ​ယဝ်ႉ တင်း​သဵင်ႈ​တင်း​လူင်​ၼၼ်ႉ​ဢေႃႈ။

ၵေႃႉ​ဢၼ်​လႆႈ​ပိင်း​ၺၢပ်ႈ​ၵဝ်​တင်း​လၢႆ​လႄႈ ပႂ်ႉ​ၸွမ်း​ၼၼ်ႉ ပဵၼ်​ၵေႃႉ​ဢၼ်​ႁၵ်ႉ​ၵဝ်​ဢေႃႈ။ ၵေႃႉ​ဢၼ်​ႁၵ်ႉ​ၵဝ်​ၼၼ်ႉ​ၸိုင် ၸဝ်ႈ​ပေႃႈ​ၵဝ်​တၵ်း​ႁၵ်ႉ​ဢေႃႈ။ ၵဝ်​ၵေႃႈ​တၵ်း​ႁၵ်ႉ​ၵေႃႉ​ၼၼ်ႉ​လႄႈ ၼႄ​ပျႃး​တူဝ်​ၸဝ်ႈ​ၵဝ်ႇ​ထၢင်ႇ​သႃး​တီႈ​ၵေႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ၵေႃႈ​တၵ်း​ပၼ် သြႃႇ​ဢူႉပိတ်ႉသေႇ​တၢင်ႇ​ပႃး ဢၼ်​ဝႃႈ​ဝီႉၺိၺ်ႇ​ၸဝ်ႈ ဢၼ်​ၼႄ​ပျႃး​သမ်ႇမႃႇ​တြႃး​ၼၼ်ႉ​တီႈ​သူ​လွင်ႈ​ၼင်ႇ​ႁိုဝ်​တၵ်း​လႆႈ​မီး​ယူႇ​လူၺ်ႈ​ၵၼ်​တင်း​သူ တႃႇ​သေႇ​ဢမ်ႇ​ထၢတ်ႇ​ဢေႃႈ။- ဝီႉၺိၺ်ႇ​ၸဝ်ႈ​ၼၼ်ႉ​ၸိုင်၊ ပိူဝ်ႈ​ဢၼ်​လေႃးၵႃႉ​ၼႆႉ​ဢမ်ႇ​ႁူႉ​ဢမ်ႇ​ႁၼ်​လႄႈ ဢမ်ႇ​ၶၢမ်ႇ​ဢမ်ႇ​ဢဝ်​လႆႈ။ ပိူဝ်ႈ​ဢၼ်​ဝီႉၺိၺ်ႇ​ၸဝ်ႈ​ၼၼ်ႉ တႄႇ​ယူႇ​လူၺ်ႈ​ၵၼ်​တင်း​သူ မီး​ယူႇ​ၼႂ်း​သူ​လႄႈ၊ သူ​လႆႈ​ႁူႉ​ဢေႃႈ။

တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ်​သူ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ သူး​တွင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ပေႃႈ​ၸဝ်ႈ​တၵ်း​လႆႈ​မီး​တၢင်း​ဢၼ်​မုၼ်​ၽုင်း​ထၢင်ႇ​သႃး​မႃး ၵွပ်ႈ​ပိူဝ်ႈ​လုၵ်ႈ​ၸဝ်ႈ​ဢေႃႈ။- ပေႃး​သူ​ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ ယွၼ်း​သူး​သေ​ၸိူဝ်ႉ​သေ​ပိူင်​ၸိုင်​ၵဝ်​တၵ်း​ႁဵတ်း​ဢေႃႈ။

ပေႃး​သူ​ႁၵ်ႉ​ၵဝ်​ၸိုင် ပႂ်ႉ​ၸွမ်း​ပိင်း​ၺၢပ်ႈ​ၵဝ်​တင်း​လၢႆ​တႃႉ။ ၵဝ်​တၵ်း​ယွၼ်း​ဢဝ်​တီႈ​ပေႃႈ​ၸဝ်ႈ​လႄႈ၊

ၼႂ်း​ႁိူၼ်း​ၸဝ်ႈ​ပေႃႈ​ၵဝ်​ၼၼ်ႉ မီး​လုၵ်း​ပုၼ်ႈ​ဢၼ်​တၵ်း​ယူႇ​ၼမ်​ၼႃႇ​ဢေႃႈ။ ပေႃး​ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၵဝ်​ယင်း​ဢမ်ႇ​လၢတ်ႈ​တီႈ​သူ​လႄႈ တၵ်း​ဢမ်ႇ​ယူႇ။ ၵဝ်​ၵႂႃႇ​ႁႂ်ႈ​လႆႈ​မႄး​ႁႅၼ်း​ဝႆႉ​တီႈ​ဢၼ်​သူ​တၵ်း​ယူႇ​ၼၼ်ႉ​ဢေႃႈ။

ပေႃး​ၵဝ်​ၵႂႃႇ​လႄႈ မႄး​ႁႅၼ်း​ဝႆႉ​တီႈ​ဢၼ်​သူ​တၵ်း​ယူႇ​ၸိုင်၊ ၵဝ်​တၵ်း​သမ်ႉ​ၶိုၼ်း​မႃး​ထႅင်ႈ​လႄႈ သိမ်း​ဢဝ်​သူ​ၵႂႃႇ​ၵႃႈ​တီႈ​ၵဝ်​ပုၼ်ႉ​ႁႂ်ႈ​သူ​လႆႈ​မီး​ၵႃႈ​တီႈ​ဢၼ်​ၵဝ်​မီး​ၼၼ်ႉ​ဢေႃႈ။

ထူဝ်းမႃႉ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပိူဝ်ႈ​ဢၼ်​ႁဝ်း​ၶႃႈ​ဢမ်ႇ​ႁူႉ​လွင်ႈ​ဢၼ် ၸဝ်ႈ​ႁဝ်း​တၵ်း​ၵႂႃႇ​ၵႃႈ​တီႈ​လႂ်​ပုၼ်ႉ​လႄႈ၊ ႁဵတ်း​ၸိူဝ်ႉ​ၼင်ႇ​ႁိုဝ်​လႄႈ တၵ်း​ႁူႉ​သဵၼ်ႈ​တၢင်း​ၼၼ်ႉ​လႆႈ​ၶႃႈ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊