Populære bibelvers fra Ima̍aki 9

Del

Iji̍sɔ̄ɔsi hīya ɔngrɔ̄ɔ ɔla̍ā ɔkɔ hīka, “N̅n̄, nīi a ge̍ yɛ ge̍ē chɛ̄ mɛ ni̍? Ɔjāha̍-ɔjāha̍ wa̍a̍ lɛnyɛnya de ɔ̄chɛ nīi de ɔtū che Ɔwɔ ma̍.”

A̍dā yī ɔyi̍ ɔla̍ā ka gbra ɔpɔ̄ɔpɛ̄ hīka, “Ādā, n de ɔtū che Ɔwɔ. Ɔtū ode chōche yī u i̍ lɛ ɛmla̍a ni̍. Tū u wɔbɔ̄ nīi n ā de ɔtū che brii gɛ!”

Yɛ̄grāa nīi Iji̍sɔ̄ɔsi pīya ga ipu̍nu̍ ma̍, a̍chi̍kpo̍ yī nū gāa ge̍ che ɔ̍ ikpo̍ fi̍yɛ̍; oji̍ ɔ̍lɔ hu̍ nīi aɛ̍lɛ i̍ nū yapri̍ija ɔdwɔ̄bi̍ ɔla̍ā mɛ ni̍ ma̍/? Iji̍sɔ̄ɔsi koko̍o de wa̍ hīka, “Ita yī yapri̍ija ɔdwɔ̄bi̍ nūma̍, ɔjɔ̄jā i̍ ē nū wā mɛ ni̍; ɔ̍chi̍kpa̍kpa̍ ɔhā ojōji.”

Ɔmā ma̍ lwɔnyɛ. Ɔmā i̍ ge̍ chī lɛ ɔmɔ̄ɔmā ni̍, kana̍ nīi ɔ̄chɛ ge̍ē ya̍ nīi o̍ ge̍ē lɛ ɔmɔ̄ɔmā mɛ we̍ ma̍? Ala̍ ā tū iyī ala̍ ɔmā nīi ala̍ ge̍ gblāa la ogbodɔ̍dɔ̍ ba̍la iyī ala̍.”

“Ɔ̄chɛ nīi ge̍ ywɔ̍ɔnyɛ yī aɛ̍pɛ̄ enīchi̍chɛ̍ ita yī onūma̍ la riyī yī u, o̍ re̍ka ɔlɔjā ywɔ̍ɔnyɛ yī u. Ɔ̄chɛ nīi ge̍ chī ywɔ̍ɔnyɛ yī u, ɔlɔjā i̍ ywɔ̍ɔnyɛ yī amami ke̍e̍ ni̍; o̍ ywɔ̍ɔnyɛ yī ɔ̄chɛ nīi de u tɛ̄rɔ̄ ma̍ i̍ngi̍ngɔ̍ɔ.”

Lēchi̍-lēchi̍, n ē koko̍o de ala̍! Ɔ̄chɛ nīi ge̍ kɔ̄ yenyi o̍klo̍o ūkpo̍he de ala̍ lɛ ɔbɔ̄bla hīka, ala̍ ɔ̍lɔ - āchɛ yī Ikra̍yisi nɛ, Ɔwɔ ge̍ē kla̍ ɔlɔjā ure̍.

“Aɛ̍pɛ̄ enīchi̍chɛ̍ nūma̍ nīi de ɔtū che u ma̍, ɔ̄chɛ ge̍ ya̍ nīi e̍ gwāajɛ lɛlā ɔdwɔ̄bi̍ ɔyɔ̍ɔ̄ya̍ bɛ̍ɛ? O̍ ngma̍ nīi e̍ ē de lɛchɔ̄ yī ɛdɛ̄ to̍ōrī pla ɔlɔjā la ɔkɔ, ē nāa anu̍ ta̍tū ga u̍nyi.

Īkprī yī wɔ ɔha̍ ge̍ chī ya̍ nīi a gwāajɛ lɛlā ɔdwɔ̄bi̍ ɔyɔ̍ɔ̄ya̍, de ɔ̍ wu̍ ta̍anū. A ge̍ chɛ̄ ga ɛbɛ yī Ɔchwɔ̄lɛ̍ Oro̍ōre̍ yī Ɔwɔ la īkprī ūkpo̍he, o̍ hwɔhi fi̍yɛ̍ hi̍ oku̍ wɔ ta̍tū ga ayekū oli̍gba̍o̍ la īkprī ɛpɛpa ɛla̍ā.