Populære bibelvers fra Ima̍aki 10

Del

Wu̍chē oji̍ nɛ, Ɔyi̍ yī Ɔngrɔ̄ɔ i̍ wā nīi āchɛ ge̍ē hɔ̍chɛ̍ yī nū ni̍. O̍ wā ge̍ hɔ̍chɛ̍ yī āchɛ ē de ɔhɔ̄leyī yī nū nāa ē de, hɛ̄ɛbɛ ge̍ē de āchɛ wa̍a̍ hīya lɛfiyɛ.”

Iji̍sɔ̄ɔsi ma̍ wā chi̍i̍, hīya aa̍ ɔkɔ hīka, “Ɔla̍ā ma̍, ɔ̄chɛ̄ɛchɛ i̍ ē ya̍ mɛ ni̍ a̍nɛ; i̍ Ɔwɔ ni̍. Wu̍chē oji̍ nɛ, ɔjā nīi Ɔwɔ i̍ ya̍ mɛ ni̍ hɔ̄ ni̍.”

Iji̍sɔ̄ɔsi ka de ɔ̍ hīka, “Pīya gɛ, ma̍a ɔtū ode chōche yī wɔ hɛ̍ wɔ ta̍ mɛ̍!” Ɔpɔ̄ɔpɛ̄, ɔngrɔ̄ɔ opriyī ɔla̍ā de myɛ̍ma̍ ke̍e̍. O̍ pīya yɛ abɔ̍ɔ tāa Iji̍sɔ̄ɔsi la ɔpɔ̄pū.

Ɔjā nīi Ɔwɔ de ngmo̍tu̍chɛ̄ la ɛbɛ ūkpo̍he ma̍, ɔ̄chɔ̄chɛ ge̍ e̍e de ɔ̍ yi̍ya gɛ ni̍!”

Iji̍sɔ̄ɔsi ma̍ ɔngrɔ̄ɔ ɔla̍ā chi̍i̍; ɔngrɔ̄ɔ ɔla̍ā chī hi ɔ̍ ɔtū. O̍ da ɔ̍ hīka, “Ɔya, ɔjā ūkpo̍he e̍e hōhī! Pīya gɛ nīi a ā gāa ge̍ de āɛ̄jā yī wɔ kpo̍ ra̍ wa̍a̍ nīi a ā de okpo yī nū kɔ̄ de alyeklo̍. Ya̍ i̍ngɔ̍ɔ hɛ̄ɛbɛ nīi wɔdu ogbōgbō yī wɔ ge̍ hɔ̄ la ɛbɛ yī Ɔchwɔ̄lɛ̍ Oro̍ōre̍ yī Ɔwɔ, nīi a ā pīya wā ge̍ ku u la u̍tu.”

Iji̍sɔ̄ɔsi che ɔ̍ ikpo̍ hīka, “Oji̍ nīi a chikpo̍ nīi n ge̍ē ya̍ de wɔ ma̍?” Ɔngrɔ̄ɔ ɔla̍ā ka de ɔ̍ hīka, “Ādā, n chikpo̍ nīi a ge̍ē ya̍ u nīi n de ē myɛ̍ma̍.”

Iyī ala̍ ma̍ i̍ ge̍ē lɛ i̍ngɔ̍ɔ ni̍. Ɔ̄chɛ nīi ge̍ē chikpo̍ ge̍ re̍ka ɔmaga lipu̍ yī ala̍, anu̍ ge̍ē hɔ̍chɛ̍ yī ala̍ wa̍a̍ a̍nɛ.

Lēchi̍-lēchi̍, n ā koko̍o de ala̍! Ɔ̄chɛ nīi i̍ ge̍ nāa Ɔchwɔ̄lɛ̍ Oro̍ōre̍ yī Ɔwɔ bɔ̄ɔkɔ nīi ɔɔ̍pɛ̄ nāa ma̍ ni̍, ɔlɔjā i̍ ge̍ē tū la anu̍ ni̍.”

Āchɛ yɛ̄mɛ̄mɛ̄ nīi yɔbū ma̍ ge̍ē de ē gwīihi; enīi gwīihi ma̍ chī ge̍ē de ē yɔbū.”

Nɛ̄ni̍, la owu̍tu nīi Ɔwɔ ya̍ yɛchɛ ma̍, ‘O̍ ya̍ ɔngrɔ̄ɔ ba̍la ɔnyā. Ɔla̍ā - ohu̍ nīi ɔngrɔ̄ɔ ē pīya ē hī a̍dā ba̍la ɛ̍nɛ̍, ge̍ē hɔ̄ lɛ̍kɛ̍kɔ̍ ba̍la ɔnyā yī nū a̍nɛ. Aa̍ āchɛ ɛpa ɛla̍ā de ē pīya āchɛ ūkpo̍he bɛ̍ɛ̄nɛ̄.’ Bū la ɛbɛ ɔla̍ā, e̍ i̍ re̍ka āchɛ ɛpa gɛ ni̍, āchɛ ūkpo̍he kpo̍kpo̍ bɛ̍ɛ̄nɛ̄ nɛ.