Populære bibelvers fra MATHIE 24

Del

Áyíléletɛ́ bha do si khúnbrɛn, ábha chɛ́sé néphan búdúbúdú pɔ́ apɛ ɔn, abha lé cu pɛ sɛ́npɛ́. Ló lephan khɛ́n ábha gɛlé ya ábha di lómɛ́n, lephan lókɔn, wo bhá swa nkɛ.

Ló Ábhwe Bhwábhwá lókɔn khɛ́n ali Yankan Bhringbi khúbhɛ́ phɔ bhwe ɔn, wo bhá tɔ pí áthéji si khúnbrɛn, ló ábhwe lókɔn, lónɔn ábha lí aféchwe khúnbrɛn phɔ ndalefɛ. Lóka lókɔn nɔn áthéji bha bhɔ́.

Átha néphan bha kú, wo bhá tɔ lóbhwe sé hɔ́n yé, saji átha abha hɛ́nmɛn ebhá, lólɔ wo bhá tɔ lóbhwe sé hɔ́n yé, lókhɛ́n ńthɛ́n ole lí hɔ́n: áyɔn salé lóyí khúnbrɛn lókɔn otɛ́, lókhɛ́n léli salé áthéji ebhá bhɔ́.

Aféchwe bɛn bha gɛ aféchwe lójɔ ɔ́nmɔn kútha, bhringbi khúbhɛ́ bɛn bha bhó ádi lo ywɛnlí bhringbi khúbhɛ́ lójɔ, áko bha di, ló áyíta bha jika ágotho dɔndɔn. Lóyí khúnbrɛn lókɔn bha tɛ́sa bhie ka ehó yí si ákhɔ́ dri phɔ a.

Tɛmɛ ɔ́n yɛ́n salé átho le áthé ɔ́nmɔn bha hɛ́n, khɛ́n mɛn bhwetɔ́ bha lé hɛ́n bhrɔ́ɔ́.

Átɛsalé néphan búdúbúdú bha bhó mɛn hɛ́n hrómɛn bhá, ló wo bhá tɔ salé: “Mɛn nɔn mɛn ni Mesi!” Ló wo bhá khrɛ néphan búdúbúdú yábhɛ nɛn.

Néphan bha khwɛ́n hɔ́n bha sé wo lri hɔ́n gbre, ló wo bhá wɛ́n hɔ́n, ló mɛn hɛ́nthé aféchwe khúnbrɛn bha sa hɔ́n mɛ. Lóka yábhɛ lókɔn, néphan búdúbúdú bha yɔ́ wo mímíbhú ká ló ábha liá, wo bhá ya wo thethé khrɛ wo bɛn nbrɛn, ló saji wo bhá ya wo thethé sa wo bɛn nbrɛn mɛ. Bhwetɔ́trémán kpakprámán búdúbúdú bha bhá, ló wo bhá khrɛ néphan búdúbúdú.

Ló Jezwi kranman nkɔn sa: – Tɛmɛ ɔ́n hámwanhɛ́n, ló lephan brɛ olé khrɛ hɔ́n.

Lóhɛ́nthé nɔn hɔ́n lɔ, tɛmɛ ɔ́n mraya, lée Lephan Mi ka ábha bhá, ɔ́n ma lé há mwanhɛ́n.

Lóhɛ́nthé tɛmɛ ɔ́n bo, átɛsalé ɔ́n ne yɛn lócí hɔ́n Hwánthe bha bhá.

– Lókhɛ́n álepɛ lephan brɛ ayɛn lócí le lówáchɛn mɛ́n, Yankan-mranchɛ́mán bhwá nbrɛn khɛ́n abha átho lɔ le yɛn, saji Nmi bhwá nbrɛn lɔ le yɛn, kasé áleli Nthe míbrɛ.

Átɛsalé Mesi kpakprámán le bhwetɔ́trémán kpakprámán ɔ́nmɔn bha bhá, wo bhá tɛ́ hɛ́nmɛntányí le áphɔgóyí khónkhó ɔ́nmɔn khrɛ néphan, áchɛ́se kasé ɔ́n ne hamwanhɛ́n, néphan bhwá nbrɛn khɛ́n Yankan san, wo lɔ nkɔn bha khrɛ wo.

Noe cí tho, áyí atɛ ɔn, lóyí brɛ nɔn ábha tɛ́ lóka Lephan Mi bha bhá. Khankhan mímí, ácí khɛ́n agbali ácí ńdu si mrwɛn áthéji khúnbrɛn ɔn, lóka lókɔn, néphan elí nɛn, wo enán ndɛ, wo ephɛ́n mie, wo esé wo miɔnmie nsɛ ophɛ́n, kábrɛ kábrɛ ádi lóka Noe ka mɛ́n hran mɛn. Ló wo néphan lókɔn, wo le ka ábhwe ɛkɛ brɛ mɛ́n, kábrɛ kábrɛ ádi lóka ńdu si mrwɛn áthéji, ló ákhwɛn wo khúnbrɛn ɔ́nmɔn lo. Ló Lephan Mi ka ábha bhá, lóyí yábhɛ brɛ ebhá tɛ́ nɔn ali lókɔn.