Populære bibelvers fra Marko̱ 10

Del

Án, kjindiꞌe xu̱ta̱ nga̱sunde, ku̱i̱cha kunꞌan. Jiꞌijiꞌan kui nga̱sunde tsa án baseñajúnna, tusá án baseñajúnna xi ngisa. Jiꞌiꞌan nga tsitsjeꞌan ngieje jee xi tjínre xu̱ta̱ nga̱sunde, ku tse̱ꞌe xi kuitjusún án tsjuáꞌan jínꞌna.

Ku tsaseꞌaxu Jesuu̱ ku ku̱i̱cha kitsúre̱: —ꞌÑu niꞌin mare̱ xi xu̱ta̱ nga̱sunde, ta̱nga xi tse̱ꞌe Namiña Diuu̱ bitjusún ngieje.

Ku̱i̱cha kitsúre̱ Jesuu̱: —Je ma mꞌain; je kundaye nga̱tꞌaꞌe kisꞌejínri Namiña Diuu̱. Tekui chu̱ba̱, kutsejenre̱ xta̱ xi tkꞌa, ku kitjéngire̱ Jesuu̱ xukúcha kjue ndiya.

Tsa Namiña Diuu̱ xi je kitsingungu xu̱ta̱ xiꞌin kju̱ ngu chjun, ngují xu̱ta̱ nga̱sunde ma tsikjietsunjín.

Jesuu̱ kitsitjo nga tsaseꞌa ku ku̱i̱cha kitsúre̱: —Ngingutsa najmi chajari niꞌin. Tꞌutji ku tateñe ngieje najmi xi tjínri, ku tikabiri tao̱nri ngieje xi ꞌñu ni̱ma̱ tjima. Ku̱a̱cha, ꞌñu tsé kju̱a̱ndá tsjuari Namiña Diuu̱ ngakꞌa ndiu̱jmi. Ku nga je kuma, ndibi ku ngatꞌuye xu̱ta̱ꞌna xi tsjengina.

Ku̱a̱cha kitsúre̱ Jesuu̱: —Mí xi mejénri nga án nga̱tꞌari Ku̱a̱xu tsu xta̱ xi tkꞌa: —Jí kua Chji̱ne, tindayei xkunꞌan tse̱ꞌe xi kuma kutsejénna ngingu ndiya.

Ta̱nga ngate júnni majín ku̱i̱cha ñaꞌánjnu. Tusáni, tsa tjin xi mejénre kꞌa ꞌbatsjé yajo̱ꞌe, tjinere nga basenñajunre xi ngisa.

Kju̱a̱xikjainni, xi sꞌejinjínre nga̱tꞌaꞌe Namiña Diuu̱ xukúcha sꞌejínre xi niskindi, sakujíre ngande jmá batexuma Namiña Diuu̱.»

ta̱nga kjínma xi kꞌa mare̱ yajo̱ꞌe, ku kite̱ ꞌñujín chjiꞌe kjatꞌei; ku kjínma kjatꞌei xi ꞌñujín chjiꞌe, kui xi ꞌñu kuchjeꞌe.

Janda nga tsaꞌángire̱ Namiña Diuu̱ kitsindá xta̱ xiꞌin ku chjun nga ꞌbenduju xikjin. Kui kju̱a̱ nga xu̱ta̱ xiꞌin fichu ngu ni̱tjin nga beꞌe Naꞌen ku Namiꞌen nga bixantsja ku xín je ꞌbejñajun chjunꞌen. Xuku nga ngútse xu̱ta̱ ꞌbendu nga ngiajo. Ku ku̱i̱cha, xi je bixantsja kite̱ xuku xi jó jí xu̱ta̱ ma, ngútse xu̱ta̱ fuema ngisa.