Populære bibelvers fra Lucas 14

Del

Pën ëjts xpattuu'yo'oywyamp, nits kä'ä ëjts jawäänë mëjk xtsöky, naa'xkë'n tsöky tyeety, tyaak, tyo'oxytyëjjk, y'uu'nktëjjk, y'ajjtsy, tsyë', ok naa'xkë'n kë'm nyatsyökyë, kä'ä jä' myata'akt nits ëjts xpattuu'yo'oyty.

Pën kë'm kryus tkappakkëypy nits ëjts xpattuu'yo'oyty, kä'ä jä' myata'akt nits ëjts xmuttu'nt.

Jä'ku pën kë'm nakyäjxtaajkë'p kä'äts jä oo'ktëy yyëkmëjj'ijxt, pënts tuta'aky jaa'y'eepy, jä'äts oo'ktëy yëkmëjjpë'mp.

Najjts miits pën kamajtstu'utyë'm xjawëtë tukkë'yë tijjäty mmëët'të, kä'ä mmata'aktë't nits ëjts xpattuu'yo'oyty.

Ku nitu'ukën miits xniwinmayë mtëjjk xyëk'oyëwya'antë ¿kä'ä jawyiin x'a'ijxë nii'xyë'n meeny tyu'nt, nits x'ijxt pën jäjp meeny xmëëtë nits tëjjk ta'awaatë't? Ok ku nikoj xjatsoo'nta'akt nits kä'ä x'okyëk'awaajt'eenyë't, pënts jä' t'ijxtë'p jä'äts tnixi'ikëtë'p tnittaayëtë'p. Jäts wya'antë't: Tëj yë' jaa'y tyëjjk tjayëk'oyë'y'axajjy, kä'äts tëj myayë.

Nit ku jaa'y xyëkkaywya'any xyëk'uukwa'any, waatsow ayoopëjaa'y, mati' kyë' ka'ijtp, mati' kayo'yp, mati' ka'ijxp; najjts mijts oy jotkujjk. Jä'ku kä'äts jä' mmukopättë't, najjts mijts mjuu'ny xpaatt, jä' xëëw ku oyjyaa'ytyëjjk jyükypyëktë't.

«Oy yë' kaan» kuts yë' tsyäkt, ¿ntsots yë' y'ijxë jatu'kyaajjë nyëktuu'në'n? Nikyo'oktunë't yë' nits naajx mpëëjmjaa'yë'n, ok pu'uty nyëktuu'në'n: Ixyuupy yë' nyëjkxnë't. Pënjäty ya'at aaw ayuujk tmatootë'p, winjawëtë yëkxon.