Populære bibelvers fra San Mateo 15

Del

Ttiaca ca tisa riría roꞌori, lheꞌe lastoori riríana. Unnáli bunna runna acari nu anca tsiga lo Tata Do Iyyabaaha. Cumu lhiꞌu lheꞌe lastoo ca benni liba riría nu lä anca tsee rulaba lecani, nu runi racacana nu runi elhutti lhe nu runi racacana nu risá nu bittu anca latselani lhe nu runi racacana nu rutsá roꞌoni nutti nuttiba lhe nu runi racacana ubana lhe nu runi racacana nu run leni lhe nu runi racacana nu rinne güee gue benni lhe.

Läganu ro ca benni runna acacana nu anca tsiga lo Tata Do Iyyabaaha, sinuqui nu riría roꞌo libácani runna acacana nu anca tsiga lo Ben-na.

Ca benni seꞌe-ni nna cuentaba rinne ca unná rácana dequi ria lecani neti, ttiaca läga gualícani ca unná racaquinna quia itú iqui itú lecani. Cuentarba te la dequi rudú xibicani loa, cumu nu anca gue ca benni seꞌe yies lo yu-niba ruleꞌequinna ca benni, läga ruleꞌecana nu ancatia mandadu uleꞌecana.

Laniala becabi Jesús re: —¡Cattipa sitsi ria lelu xa nuila! Acaba nu unnabalha. Snaba lania beaca xiꞌiniunná nuilaha.

Laniala nna ubiga nuilaha bedú xibini lo Jesús, nianna rána Benniha: —¡Ucachi len neti, xa tata! Ttiaca Benniha nna becabie gueni re na: —Läga anca tsee cuaya ttaxtila ro ca xiꞌinia-na qui udelha lo ca becu-na. Nuilaha nna becabina rána: —Gualíbinlu, xa tata, ttiaca axta ca becu-na rocana nu riyinna xan mexa gue ca benni beaca guecani ca unná.