Populære bibelvers fra Juan 8

Del

Ikenama, Jesúsma yemidanö yöawinobe jojodönö: —Wanedö yötawa: Ötjödasa dewinö jo̧ma. Ja̧danö, ötjödasa jojodönö öbibo̧ma, dewa'wo okwanö kwetjachobö. Ja̧danö, böjȩ jojodö tjo̧'wo̧ luwo̧ okwanö dewinö chidejatobe, tjo̧'wo̧ luwo̧ jawa tjöwaisachibanö. Ja̧danö, ötjökwö ichadöma yȩa'wo okwanö kwebachöködö, kwetjachobema dewinö chidejatobetjö̧. Ja̧danö, ötjökwö ichadönöma, tjo̧'wo̧ luwo̧ okwanö dewinö dejatö chi̧sebakwo̧sa, ba̧kwȩlö̧jatebö ja̧kwawa tjujuna̧lobö tjöwaisachibanö— yöawinobe Jesúsma.

Ja̧danö, ötjö chöba̧ja̧di̧ waisachadö kwö̧jaduwobetjö̧ isabenö ji̧ yötawi̧ma kwöwaisachibaduwakwedöja. Wanedö yötawaduwakwö: Isabenö ji̧ yötawi̧ kwöwaisachibaduwobetjö̧, nu'yö di̧batö tjödinatjö̧ kwö̧jibaduwinö bakibaduwakwedöja, kwuluwo̧duwi wei̧tjö lakebaduwinö— jö̧a̧linobe Jesúsma, wanedö yöbawö.

Jemi ikena, Jesúsma yöawinobe jobadönö, judío jojodönö, iteda yöawi̧ ösödadönöma: —Ötjö yötawi̧ a̧ja̧kwö kwö̧jaduwitjö̧ma isabenö ökwödöma ötjö chöba̧ja̧di̧ waisachadö bakibaduwakwedöja.

Jo̧kwaobetjö̧, Dios Itji̧da ökwödö, suli̧ ömöayedödanö ju̧kwadönö kwö̧jibaduwinö pjabato̧ma. Dios Itji̧da suli̧ wei̧tjö kwö̧jibaduwinö pjaatitjö̧ma, isabenö kwö̧jibaduwinö bakibaduwena— yöawinobe.

Ina ¿Dakwö kwomukwata, bisunö lȩekwama? lekwe abeba̧lö Jesúsma jweinöma atadinokobe. Ja̧danö, jamatö jö̧a̧linobe: —¿Ökwödötjö bakwo̧bi ö̧jobeji̧, suli̧ jwibo̧ma? Suli̧ jwibo̧da inawiyanö ikwawobö jo̧be. Ökwödötjö suli̧ jwibo̧ma abönö ikwi— jö̧a̧linobe Jesúsma.

—Isabenö yötawa. Suli̧ ja̧badöma, suli̧ ömöayedödanö baibanö ju̧kwadö. Ja̧danö, jobadöma tjuluwo̧ suli̧ wei̧da ja̧bö tjuju̧kwobe— yöawinobe Jesúsma, wanedö yöbawö, suli̧ma ökwödö kwuluwo̧duwidanö ji̧, jö̧ba̧lö—.

Ja̧danö, Jesúsma jobujunö edö abebö a̧ja̧kwinobe jobujunöma: —Ökwönö ichejebajadöma ¿daida? Jobadötjö ¿bakwo̧bi deiji̧, ökwönö lȩebakwawa yöbawo̧ma?— abebö a̧ja̧kwioko: —Bakwo̧bi deobe, Chuluwo̧— jö̧ja̧liökwe: —Ökwönö lȩebakwawa ötjöbi yötawokobe. Kwejube daji. Yemidanö suli̧ ja̧köboko— weinobe Jesúsma jobujunöma.