Populære bibelvers fra Juan 7

Del

Dios iwene ötjönö ösödadönöma baikwö yöawobe: Jobadö tjo̧'wo̧ luwo̧tjö ojwedanö doibakobe. Jödö ojwema ba̧kwȩlö̧jatebö ja̧kwawa ojwe, jö̧ba̧lö, laebobe Dios iwenetjö, ötjönö ösödadönö yöbawö— Jesús yöawinobe.

Ja̧danö, pjiesta mölebiyatjö 'dö̧ibaji̧ möle, jwiinö mikwawi̧ möle Jesúsma jamatö labinö yöawinobe: —Ojwiyo o̧ti̧ tjöbö ja̧dönö jwöta, Ötjökwö ichaduwi kwowaduwo, jö̧ba̧lö.

Jejenö yöbawö Jesúsma Dios O̧'wo̧ Luwo̧nö yöawinobe, itenö ösödadö tjo̧'wo̧ luwo̧nö tebachibö öjamatakwo̧nöda. Ja̧danö, ina Dios O̧'wo̧ Luwo̧ma deinobe. Diosma, jobadö tjo̧'wo̧ luwo̧nö tebachibö öjamatobö ina weinokobe. Ina, jejenö weinokobe Diosma, Jesús kabekwachajö mölejȩbekwö ȩwa̧ji̧ ina badekwachokobetjö̧.

Yökawaduwi̧ma, Biya̧ ja̧awa otiwa, biya̧ ja̧awa sula, jö̧ba̧lö, jweinö yökawaduwokobe. Juluwanö, wame jawa edöda kwomukwataduwobe, Ja̧ma sula, sulabenö ja̧a, jö̧ba̧lö. Jejenömaökö. Jojodö tjomajade okwa tjomukwati̧ kwöwaisaduwobö kwisakwaduwo, jweinö, waisachibö yökawaduwobö— yöawinobe Jesúsma judío jojodönöma.

Bakwo̧ iteda ösödi̧, iteda omukwati̧ yöbawo̧ma o̧'wo̧ luwo̧ okwa sulabenö omukwato̧, itedada ösödi̧ma. Jojodö itenöda ösödö, Bitema jwiinö waiso̧, jö̧ba̧lö, tjomukwatobö isakwo̧. Jo̧kwaijayonö bakwo̧, jo̧banö webo̧ ösödi̧da ja̧bo̧ma, o̧'wo̧ luwo̧ okwa otiwanö omukwato̧, jojodöma webo̧nöda tjösödobö isakwö. Jobama jweinöda yöbawo̧— yöawinobe—.

—Ötjö yötawi̧ma ötjö chomukwati̧maökö. Ötjönö webo̧ omukwati̧da yötawobe, Dios omukwati̧ma— yöawinobe Jesúsma—.

Böjȩ jojodöma ökwödönö tjöpöjödokobe. ¿Tajawedö tjöpöjödobö ökwödönöma? Tjöpöjödoböma jwiobe. Jo̧kwaijayonö ötjönö yelösöda tjöpöjödobe. Jobadö sulabenö omukwatö ja̧tji̧ kabatökönö yötawobetjö̧ yelösöda tjöpöjödobe ötjönöma.