Populære bibelvers fra Juan 19

Del

Ja̧danö, Jesúsma jobu du̧ataja̧ ikena jö̧a̧linobe: —Tjo̧wi̧ta— jö̧ba̧lö. Jemi ikenama uu nijakwö bȩbachibö ö'wö baibinobe Jesúsma.

Ja̧danö, Jesúsma, Tjo̧wi̧ Dios ötjönö weinama katatajabe, jö̧ba̧lö, omukwatinobe. Ikenama, Dios iwene laebi̧danö badekwachinö aebinobe: —Ojwiyo o̧ti̧lö̧jabi— jö̧ba̧lö.

Ja̧danö, Jesúsma, jo̧ba ipjeanö ja̧dö, ojo'donöbi, ile niebökwe öba̧ja̧di̧ waisacho̧nöbi edö jö̧a̧linobe ojo'donö: —Chojo'do, bite chömöayo̧, ökwö kwipjeanö jo̧ma, ökwö kwitji̧danö baibakwo̧ —jö̧a̧linobe, Ökwönö ite'ada̧lakwo̧, jö̧ba̧lö. Ja̧danö jö̧a̧linobe öba̧ja̧di̧ waisacho̧nö: —Chömöayo̧, bisu chojo'doma ökwö kwojo'dodanö baibakwuju— jö̧a̧linobe. Jejenö jö̧a̧lökwe, Jesús ömöayo̧, ja̧ Jesús jejenö jö̧a̧laja̧ tupakwö ba̧kwȩlö̧jatebö ite'ada̧linobe Jesús ojo'donö, jobujunö iteda ejube jö̧jobö öbibö.

Jemi ikenama Jesúsnöbi kwakwabö tji'delotö jö̧ba̧lö ichajadöma kwakwaböma tji'delinokobe, Ida̧ökö ö'wö baibajabe, jö̧ba̧lö. Jo̧kwaijayonö guardia jojodötjö bakwo̧ Jesús ometupanö doinobe tokwötenö. Doemi ökwösobukwö ojwiyokwö ebawinobe.

Jejenö Jesúsnö baledinobe Dios iwene ajayinö tjiwȩyudinadanö badekwachinö. Ajayitjöda baikwö tjiwȩyudinobe: Jo̧ba iwe'oma bakwa'obi kwabö 'detjatökakwo̧, jö̧ba̧lö laebinobe Dios iwenetjö. Ju'wibi tjiwȩyudinobe, baikwö: Jojodöma ja̧nö tjeda̧lakobe jo̧banö, tokwötenö tiatökwenöma, jö̧ba̧lö tjiwȩyudinobe, Dios iwene wȩyudinadöma.

Jejenö weawö̧ guardia jojodöma Jesúsnö öbibö tji̧'yinobe. Jesúsma jobe 'ya̧nö towisa'o e'ewinobe, itenöda bȩbö tjujunakwötema. Jöte e'ewö i̧'yinobe, mö'ösa'obe, hebreo tjiwenenö Gólgota mikwa'obe, tjuusöseba'o, jö̧ba̧lö.

Ja̧danö, jobadöma sȩakatjö bötjawaka bukwö tjotidinobe, tjuluwo̧ ubutjawakadanö ichejekwaka. Otidajadö Jesús uunö tjöwaninobe. Ja̧danö, jo̧banö 'dutjatinobe kamijido̧ duwado̧, ödöado̧, tjuluwo̧ ökamijido̧danö ichejekwado̧.