Populære bibelvers fra MARKOSI 13

Del

Vhathu vhoṱhe vha ḓo ni vhenga nge na vha vhanga. Hone ane a ḓo konḓelela a sa litshi ndi ene ane a ḓo tshidzwa.

Dzulani no fhaṱuwa! A ni ḓivhi uri zwi ḓo vha zwa lini.

Musi vha tshi ni fara vha ni isa khoroni ni songo ḽa mbilu na ri ri ḓo ri mini; tshifhinga tshazwo tshi tshi swika ni ḓo amba zwine Mudzimu a ni funzedza, vhunga iṱali maipfi ane na ḓo amba a sa nga vhi aṋu, a tshi ḓo tou bva ha Muya Mukhethwa.

Ḽiṱaḓulu na ḽifhasi zwi ḓo lovha, maipfi anga one ha nga weli fhasi.

“Hone a hu na a ḓivhaho uri iḽo ḓuvha kana tshifhinga tshazwo tshi ḓo swika lini. Hu vharuṅwa ngei ṱaḓulu, he Murwa, a vha zwi ḓivhi, a zwi ḓivhaho ndi Khotsi e eṱhe.

Arali ni tshi pfa mikosi ya nndwa yo ṱangana kana ni tshi pfa mafhungo a nndwa dzi no khou ḓa, ni songo tshenuwa. Hezwo zwone zwi fanela u thoma u ḓa, hone zwi sa ambi uri vhufhelo ho no mbo ḓi swika.

Thanyani-ha ngauri a ni ḓivhi uri Muṋe wa muḓi u ḓo vhuya lini – a nga ḓi vhuya nga madekwana, a nga ḓi vhuya vhukati ha vhusiku, a nga ḓi vhuya nga maremamutsho, a nga ḓi vhuya ḓuvha ḽi tshi bvisa mulomo! Zwino arali a sokou tshenuwa o vhuya ha nga ḓo wana no eḓela naa? Zwine nda vhudza inwi ndi zwine nda vhudza vhoṱhe, ndi ri: fhaṱuwani!”

Tshakha dzi ḓo bva pfumo dza lwa; mivhuso i ḓo vutshelana. Hu ḓo vha na midzinginyo minzhi shangoni, ha wa na nḓala. Vhuṱungu hovhu ndi tshiga tsha uri Mesia u nḓilani, unga u ḓa ha muthu muswa hu tshi rangwa phanḓa nga vhuṱungu ha u beba.

ngauri zwo fanela uri mafhungo maḓifha a thome u ḓivhadzwa tshakha dzoṱhe.

Hu ḓo ḓa vhathu vhanzhi vha tshi ri ndi vhone Nṋe, muṅwe na muṅwe wavho a tshi ri, ‘Ndi nṋe Mesia!’ Vha tshi ralo vha ḓo xedza vhathu vhanzhi.

“A vha inwi dzulani no fhaṱuwa, ngauri vha ḓo ni fara vha ni isa khoroni; ni ḓo rwiwa sinagogoni; ni ḓo sengiswa nga magota na mahosi hu u ṱhuphelwa Nṋe, ha ḓo vha hu hone u ni vulela nḓila ya u vha ṱhanzi dzanga khavho

Hu ḓo bvelela vhomesia vha khole-khole na vhaporofita vha khole-khole; vha ḓo ita maḓembe na zwimangadzo uri arali zwo vha zwi tshi konadzea vha xedze na vho nangwaho nga Mudzimu.

“Musi ayo maḓuvha a vhuṱungu o no fhela, ḓuvha ḽi ḓo dzima na ṅwedzi wa swifhala, nga ngeno ṋaledzi dzi tshi khou wa, zwi re lutomboni zwa vilingana.