Populære bibelvers fra तोलिङ्‌सोमु 13

Del

थेआङ्‌भे़ल्‍ले़ खे़ने़ॽ के़निसुबा के़रे़क् ते़न्‍हाॽ खे़ने़ॽ नु के़मुॽइदाङ्‌साहाॽ सदादिङ्‌ले़ लागि पिनिङ्॥

लुते़न् से़न्‍दे़बेआङ् यहवे दाङ्‌बाल्‍ले़ अब्राम्‍मिन् मे़त्तु, “खे़ने़ॽ के़ये़प्‍पा ते़न्‍नोलाम् के़मिक्‍किन् हिसे़ॽआङ् थाङ्‌गे़त् नु लाङ्‌गे़त्, नाम्‍गे़न् नु नाम्‍धा के़रे़क् पिसाङ् ओमत्ते़ॽ॥

आङ्‌गाॽ के़मुॽइदाङ्‌साहाॽ इक्‍सादिङ् खाम्‍बेःक्‍मो खाम्‍भुत्रान् कुइसिक् फोसुङ्‌सिङ्‌ॽ॥ कुभारे़ खाम्‍भुत्रान् निःप्‍मा मे़सुक्‍तुने़भग्र खे़ने़ॽ के़मुॽइदाङ्‌साहाॽआङ् निःप्‍मा मे़सुक्‍तुसिरो॥

खे़ल्‍ले़चोगुल्‍ले़ अब्राम्‍मिल्‍ले़ लुते़न् मे़त्तु “खे़ने़ॽ नु आन्‍छिॽ लुम्‍मो हे़क्‍क्‍याङ् खे़ने़ॽ के़बित् के़मे़ःन्‍दाक् के़गम्‍बाहाॽ नु आङ्‌गाॽ आबित् आमे़ःन्‍दाक् ओगे़मे़प्‍पाहाॽरे़ खुनिॽ लुम्‍मो खे़माॽ चोगि मेःन्, थेआङ्‌भे़ल्‍ले़ आन्‍छिॽग निःत्ताङ्‌बा काॽइ आधाप्‍सि॥

खे़ब्‍याङ् अब्राम्‍मिल्‍ले़ कुसाःङ्‌गा हिम्‍मिन् चत्तु, हे़क्‍क्‍याङ् मम्रेबा यहिबासिङ्‌हाॽरे़ कुबेसाङ्‌बा हे़ब्रोन्‍नो युङ्‌से़ पे॥ खे़प्‍मो खुने़ॽ यहवे दाङ्‌बाल्‍ले़ कुलागि लत्‍छा ले़त्ति तोःन्‍मादे़न् थिक् चोगु॥

लुते़ल्‍ले़ कुमिक्‍किन् खिरि हिसुआङ् ओमे़त्तु, हे़क्‍क्‍याङ् सोअर ले़प्‍माङ्‌बा यर्दनबा के़रे़क् ते़म्‍बेःन् निसु॥ यहवे दाङ्‌बाल्‍ले़ कुभुङ्‌इक् इग्र मिस्र लाजेन् हे़क्‍के खे़न् के़रे़क् च्‍वाःत्तिल्‍ले़ वभिःन्‍दुआङ् ने़स्‍से़॥ (कङ्‌ग यहवे दाङ्‌बाल्‍ले़ सदोम नु गमोरा पाङ्‌जुम्‍मिन् मे़ङ्‌मानुःल्‍ले़ तगिबा पाःन्‍लो॥)