Populære bibelvers fra MATTHAI 15

Del

Tede kaa khuikah aka thoeng hang thaihu tah thinkaw lungbui khui kalawng law tih te thaihu lawng thlaang ciimcaih sak nawh. Thlaang ngawnna, samphaihna, hutaa tawngpa thawlhna, atheen nawh thaihu saina, huuenna, hoemna, thlaang thaang the sakna, poekna atloe boeih he tah lungbui khui kalawng ni a law.

Thlaang aka ciimcaih sak nawh thaihu he tah kaa khui kalawng aka kuun he nawh ni, kaa khuikah aka thoeng lawng ni thlaang he a ciimcaih sak nawh” a tina.

Isaiah lawng, “He thlaang hue lawng awlhong oen kai ng'hinyah u, tede a thinkaw lungbui tah kai oen thla tangkiik. Ahimi lawng thlaanghing kah sai coplap phung te kai kah awlpeek angla a cang puei dawngah, kai m'bok u he khaw a poei ni; tila Pathen lawng ti,” a tina.

Tedawngah Jesuh lawng, “Nang tah oengcakna aka khueh hutaa ni! na ngaihna angla coengg hawn seh,” a tina. Teveng tue roe ah a canu te hoeih pahoei.

Tevengah te kah hutaa lawng Jesuh khow kungah buekuep tih, “Bawipa! kai he n'reen mai hawn lah,” a tina. Jesuh lawng, “Camaw kah buh te lawh tih ui m'peek pe atah soeng nawh,” a tina. Te hutaa lawng, “Bawipa, na thui te soeng tak tak, tede ui lawngkhaw a Bawipa kah caboi dawng kalawng aka tla buhdik anhaai te a caak van ta,” a tina.