Populære bibelvers fra Make 13

Del

Pacioyyan da inyo a omraralay nyaken. Am o to ngotokot a jyahayo so nakem a omraralay nyaken am mahap da o to meyyonong a ikavyay no pahad da.

Azimanen nyo. Yokain nyo o onowned nyo. Ta ji nyo a tenngi o ipakaranes no araraw ang.

No rakpen da inyo a yangay do pacicicyan am ji nyo a ratan o ciring nyo a ipasapa nyo jira. Ta sidongen na inyo ni Ama ta do to a mapasapa jira. Ta o ipasapa nyo jira am beken a monganay jinyo. Ta omaing do Seyzi na ni Ama ta do to a ciriciring a pasapahen nyo.

Mabalinas o hanit a kano teyrahem. Am jyablis o ciring ko a mangay do kaidan no karawan.

“Am abo tao a makateneng do araraw no yai ko. Tana tinsi am ji da tenngi. Akman sang o Anak na ni Ama ta do to a ji makateneng jya. Ta si Ama ta do to o makateneng jya.

No mamizing nyo o meyyarap do livolivon no pongso nyo am ji kamo anyahey. Ta amyan so akman sang a vazay. Am beken a kavosan na ori no karawan.

Am ori an ipeytataziman nyo. Ta ji nyo a tenngi o yai no mapeyvahay sya tao. Ala mai do maseyrem. Ala mai do avak no ahep. Ala mai do ikaraw na rana. Ala mai do peysibwen no tao. No si ji mapaziman a mai a kapakacita na jimo a mitkeh am jyabo kapya mo a. O yako ipanci jinyo am inyo a aro a tao o ko peycirngan sya. So ipeytataziman nyo!”

Meyyarap sira o meytarek so itetngehan a kapeyyarap da no teyhesa ka mahataw. So iyan na no rako a kanini a kano abcil do karawan. Am ori rana am papwan na rana so kapakaranes na rana no alalaw do teyrahem.

Am manmanma kapeylimwang na no Mapasaray a Ciriciring na ni Ama ta do to do tao do peycyamahamahatawan a kakavos na rana no karawan.

Ta amyan so tao a amvood so ngaran ko a manci no ka Kizisto da a ilita da do aro a tao.

“Azimanen nyo, ta rakpen da inyo a yangay do pacicicyan a kabakbak da jinyo do peyneynozyan, do kararalay nyo nyaken. So ikanoyong nyo a meylimwang no Mapasaray a Ciriciring na ni Ama ta do to do tangain da no panirsirngen a kano meymatmatngeh no teyhesa ka mahataw.

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

“No mavitos rana o aro a alalaw ori do araraw am to rana kedep o araw. Ji rana manikap o vehan. Makas rana o mata no hanit. Mablis rana o masamasaod no hanit.”