Populære bibelvers fra Marcos 4

Del

Jawtzun we' Jesús, xi tmayo'n kyq'iq' ex xi tma'n te a': —Mi'n q'ajta. Numekuya. We'tzun kyq'iq', b'i'xtzun take' tkyaqil. Xitzun tma'n kye t-xnaq'tzb'en: —¿Tiqu'n in che xob'e? ¿Tza'n tten minti' kyokslab'le? Chi Jesús.

Tzajtzun nim kyxob'il, ex kyma kyxolx: —¿Alkyetzunju xjal lu? Porke tuk'ix kyq'iq' ex a' in xi kyniman tyol, che chi xnaq'tzb'en.

Atzunte Jesús otoq tzik' tan ttxa'n tje' barc, tx'ayl tib'aj jun xq'anwi'; jawtzun kyk'asun, ex xi kyma'n te: —Xnaq'tzal, ¿minti'pe taja qi'je, qo najele?

Ax ikx xi tma'n kye: —Kyq'o'nke kwent ti'j ju in kyb'i'ne, ex ax ju malb'il k'ajb'el tu'n Dios kyeye jatum in xi kymalo'ne te juntl, ex ktzajel tq'o'n Dios ch'intl tib'aj kyeye.

Ax ikx xi tma'n Jesús: —Aju tkawb'il Dios ik tten ik tza'n jun xjal in ku'x tawa'n iyaj tuj tx'otx'; in xi'tzun xjal tal qonik'an ex in jaw we' q'ijl, atzunju iyaj in poq'l ex in ch'iy, ex te xjal minti' b'i'n tu'n tza'n tten in poq'l iyaj.

Alkye at t-ẍkyin, b'inx ju yol lu.