Populære bibelvers fra Juan 19

Del

Tejtzun t-xi ttz'ub'an Jesús ch'in vinagre, tma: —Ma japun tkyaqil. Kub'tzun mok'e' twi' ex kyimtzun.

Tb'ajlenxitzun jlu, tma Jesús: —In chin txqete. O tma jlu tu'ntzun tjapun aju tz'ib'an tuj Tu'jil, porke b'a'ntoq tu'n otoq japun tkyaqil.

Tej tlonte Jesús ttxu' ex tuk'ix ju xnaq'tzb'en aju k'ujla'nxix tu'n ax wa'ltoq, xi tma'n Jesús te ttxu': —Nan, atzun tala jlu. Ax ikx xi tma'n teju xnaq'tzb'en: —Atzun ttxu'ya jlu. Ex b'i'x xi ti'n ju xnaq'tzb'en ttxu' Jesús tu'n tten tuj tja.

Tejtzun kypon ti'j Jesús, minti' kub' kytoqin tqan, porke o kyil otoq kyim. Ex at jun soldad ok t-xayu'n ttxlaj t-xu'k Jesús tu'n lans, ex etz naj chik' tuk'ix a'.

Ex tkyaqil jlu o b'aj ti'j Jesús tu'ntzun tjapun aju tz'ib'an tuj Tu'jil chi in tma'n: Mlay kub' toqin tb'aqil, chi tuj Tu'jil. Ax ikx in tma'ntl tuj Tu'jil: K'okel kyke'yin aju xjal b'aj kyxayu'n.

Xitzun q'i'n Jesús kyu'n. Jawtzun tiqan Jesús tcrus ex xi' tuj lugar Tb'aqil Wib'aj tb'i, atzun tuj yol Hebreo, Gólgota tb'i.

Atzun kye soldad b'aj kyb'incha'n jun coron ch'i'x, jax kyq'o'n tuj twi' Jesús ex ok kyq'o'n jun t-xb'alun ẍjulin ke'yin.