Populære bibelvers fra Hechos 1

Del

Ex ok tul Xewb'aj Xjan kyuk'ile, ok kyk'ma'ye kyipumale, ex che okele testiw wi'je tuj tnam Jerusalén, tuj tkyaqil tx'otx' Judea, tuj tx'otx' Samaria, ex tuj tkyaqil twitz tx'otx', chi Jesús kye.

Xi ttzaq'we'n Jesús: —Minti' kyoklene ti'j tu'n kyb'inteye jtoj tu'n tb'ant jlu ex alkye q'ij; ate Nmane tajaw ex ximamajtl tu'n alkye q'ij tu'n tb'inchante.

Atxtoq Jesús junx kyuk'il apostol xi tma'n kye tu'n mi'n kyex tuj Jerusalén. —Ax che ayone ti'j ju tziyimaj kyeye tu'n Nmane, aju ma kyb'iye weye. Porke ax tok ate Juan o che b'yan xjal tu'n tuj a'; atzun kyeye ch'ix tul kanun q'ij tu'n kyb'yane tu'n Xewb'aj Xjan, chi Jesús xi tma'n kye.

Ex tkyimlenxi Jesús, kub' tyek'un tib' kywitz itz' te; ax tok jlu, porke o kyil apostol, nimku maj kub' tyek'un tib' Jesús kywitz tuj 40 q'ij, ex in yolintoq kyuk'il ti'j tkawb'il Dios.

Tej tb'aj tma'n Jesús jlu, matoq in che ke'yin apostol ti'j, jaw q'i'n Jesús kywitz, aj q'i'n tuj muj ex minti'tl o kyil.

In che ke'yintoq twitz kya'j kyja'toq tjax laq'e' Jesús, o kyil kub' kyyek'un kyib' kab'e xinaq e kub' we' kytxlaj, tok kyxb'alun saq ke'yin. Kymatzun qe xinaq kye: —Aqeye xinaq aj Galilea, ¿tiqu'n in xi kyke'yine twitz kya'j? Axte Jesús aju xjaw q'i'n kywitze tu'n t-xi' tuj kya'j, ikxtzun tzul ik tza'n xkyile xi' tuj kya'j.