Populære bibelvers fra Mat 7

Del

“Yɛ sɔre, ba na ko yɛ la; yɛ bɔ, yɛ na nyɛ la, yɛ kpaare a pane, ba na yuo ko yɛ la ka yɛ kpɛ.

Bonso, neɛzaa naŋ maŋ sɔre ba maŋ ko o la, neɛzaa meŋ naŋ maŋ bɔ o maŋ nyɛ la, ka a pane maŋ yuo ko neɛzaa meŋ naŋ kpaare.

“Neɛ na zaa naŋ woŋ a N yelbie ama, a erɛ seŋ lɛ a naŋ wuli, na waa seŋ ŋa dɔɔ yɛmbaŋna kaŋ naŋ mɛ o yiri piiri zu.

Yelzaa poɔ, yɛ maŋ erɛ korɔ yɛ taaba a seŋ lɛ yɛ naŋ boɔrɔ ka ba erɛ korɔ yɛ; bonso, a begɛ ane a Ŋmen-yelmanneba wuluu tɛgɛ la a lɛ.

Kyɛ a nyɔvore dendɔre waa la fogloo, ka o tuubu waa tuo, ka noba fẽẽ tuuro o.

“Tu a dendɔre na naŋ e fogloo kpɛ, bonso, a dendɔre na naŋ gɛrɛ weɛbo poɔ e la yɛloŋ ka o sori tuubu e mɔlɔ, ka noba yaga tuuro o.

Ka yɛnee gba naŋ waa nenfaare baŋ ka yɛ de bonsoŋ ko yɛ bibiiri, wola ka yɛ Saa naŋ be tenvelaa poɔ koŋ ko banaŋ zaa naŋ maŋ sɔre bonveɛle O zie gaŋ lɛ!

“Ta di fo tɔ sɛrɛɛ, ka ba ta wa di fo meŋ sɛrɛɛ. A lɛ fo naŋ di fo tɔ sɛrɛɛ, lɛ ka ba na di fo meŋ sɛrɛɛ. Bonna fo naŋ manne ne ko fo tɔsoba, a bonna ne o zu ka ba na manne ne ko fo meŋ.

Neɛ na zaa meŋ naŋ woŋ a N yelbie ama, kyɛ ba erɛ seŋ lɛ a naŋ wuli, na waa seŋ ŋa dɔɔ damboli kaŋ naŋ mɛ o yiri biiree zu.

Bonso ka fo nyɛ muri naŋ be fo tɔsoba nimiri poɔ, kyɛ ba nyɛ a wɛge naŋ be fo meŋɛ nimiri poɔ? Bee wola ka fo na toɔ̃ yeli ko fo tɔsoba, ‘Vɛŋ ka N iri muri bare fo nimiri poɔ,’ kyɛ ka wɛge be fo meŋɛ nimiri poɔ?

“Yɛ baŋna ne a kaŋwaa Ŋmen-yelmanneba yɛlɛ. Ba maŋ pilli la pegama a wa yɛ zie kyɛ ka ba pooreŋ ka ba waa gboŋgboe. Ba yel-erre la na wuli noba na ba naŋ waa. Ba mɔɔ maŋ pɔre la zemberemɛ gɔteere zu bee a pɔre kaŋkanne gɔzaŋaa teɛ zu?

A lɛ ne o zu, teɛ zaa naŋ waa velaa maŋ wɔŋ la wɔŋ veɛle; ka teɛ naŋ waa faa meŋ wɔŋ wɔŋ faare.

Teɛ naŋ waa velaa kontoɔ̃ wɔŋ wɔŋ faare, bee ka teɛ naŋ waa faa wɔŋ wɔŋ veɛle.

Teɛ na zaa naŋ ba wɔnɔ wɔŋ veɛle, ba na kyɛ o la a lɔɔ eŋ vũũ poɔ.