Populære bibelvers fra Mat 6

Del

Yɛ moɔ nimiri a daŋ bɔ a Naaŋmen naaloŋ ane O mennoŋ, kyɛ O pãã na de la a boma ama zaa naŋ kyɛre meŋ ko yɛ.

Azuiŋ, yɛ ta kyerɛ bieu yɛlɛ, bonso, a bieu meŋ taa la o meŋɛ deme. Bebiri zaa taa la o meŋɛ yɛlɛ.

“Azuiŋ, N yele korɔ yɛ la, yɛ ta vɛŋ ka yɛ nyɔvore yɛlɛ dɔɔnɔ yɛ, bon yɛ naŋ na di bee a nyu, bee ka bonsuuri yɛlɛ dɔɔnɔ yɛ. A nyɔvore ba gaŋ a bondiraa be, ka a eŋɛ meŋ gaŋ a bonsuuri be?

Kyɛ ka yɛnee maŋ wa puoro, yɛ maŋ kpɛ yɛ deri poore, a page a pama, kyɛ puori a yɛ Saa naŋ be zisɔglaa poɔ; a yɛ Saa naŋ nyɛrɛ a yelsɔglɔ zaa na yɔɔ yɛ la.

“Azuiŋ yɛ maŋ puori ŋaa: Te Saa naŋ be tenvelaa poɔ, ka fo yuori waa soŋ, Ka fo naaloŋ wa. Ka fo poboɔbo nyɛ eebo a teŋɛzu, a seŋ a naŋ waa lɛ tenvelaa poɔ.

Ko te a te zenɛ bondirii.

Di te saanaa suuri ko te, aŋa lɛ te naŋ dire suuri korɔ banaŋ naŋ sãã te.

Ta e ka te kpɛ enyaabo poɔ, kyɛ faa te yi ne a nenfaa nuuri poɔ.

Ka yɛnee dire yɛ taaba yelfaare suuri korɔ ba, a yɛ Saa naŋ be tenvelaa poɔ na di la yɛ meŋ yelfaare suuri ko yɛ.

Yɛ leɛ kaa nyɛ a sazu bon-ɛgre, a ba borɔ bee a kyeɛrɛ, bee eŋnɛ boma bugri poɔ meŋ; kyɛ a yɛ tenvelaa Saa guolo a la. Yɛ ba seɛ a bon-ɛgre ama yaga zaa be?

“Yɛ ta boɔrɔ yɛ bondaaboma binne a teŋɛzu kyɛ, benee mɔgre ane zoɔ̃ naŋ na di a, bee nannyigri naŋ na kɔɔ a pane kyɛ kpɛ zu a; kyɛ yɛ boɔrɔ yɛ bondaaboma binne tenvelaa poɔ, be ka mɔgre bee zoɔ̃ kontoɔ̃ di a, bee ka nannyigri kontoɔ̃ kɔɔ a pane kyɛ kpɛ zu a. Bonso, zie na fo bondaaboma naŋ be, be la ka fo sukyiri meŋ na be.

“Neɛzaa kontoɔ̃ tonɔ korɔ nembɛrɛ bayi. O na kyiiri la kaŋ, kyɛ nɔŋ kaŋ; bee o na sagra la kaŋ noɔre kyɛ zagra kaŋ deni. Yɛ kontoɔ̃ tonɔ korɔ Naaŋmen kyɛ naŋ kpimare libi-bɔ meŋ.

Kyɛ ka Naaŋmen pãã kaara a weɛ moɔ zu seŋ ŋaa, anaŋ are zenɛ ka zie wa nyaana ka ba de lɔɔ eŋ vũũ poɔ, O koŋ kaa yɛ a gaŋ a lɛ be, yɛnee yelde-fẽẽ deme?

Kyɛ ka yɛnee maŋ wa korɔ nembaalba sommo, yɛ ta maŋ vɛŋ ka yɛ nugɔɔ baŋ bonna yɛ nuduluŋ naŋ erɛ, ka yɛ nembaalba sommo na ta sãã, kyɛ a yɛ Saa naŋ nyɛrɛ yelsɔglɔ zaa na yɔɔ yɛ la.

“Yɛ maaleŋ erɛ a ta wa tonɔ yɛ tonveɛle noba niŋeŋ ka ka ba nyɛ. Ka yɛnee wa erɛ ka noba nyɛ, a yɛ Saa naŋ be tenvelaa poɔ koŋ la yɔɔ yɛ.

“Ka yɛnee maŋ wa leŋ noɔre, yɛ ta maŋ sãã yɛ niŋe aŋa a bampuori-kombampoɔ mine. Ba maŋ sãã la ba niŋe ka noba nyɛ a baŋ ka ba leŋ la noɔre. Yelmeŋɛ ka N yele korɔ yɛ, ba nyɛ la ba san-yɔɔ baare. Kyɛ ka yɛnee maŋ wa leŋ noɔre, yɛ maŋ pɛge yɛ niŋe, a sɔ yɛ zu kãã, ka lɛ vɛŋ ka noba ta baŋ ka yɛ leŋ la noɔre. Kyɛ a yɛ Saa naŋ nyɛrɛ yelsɔglɔ zaa na ko yɛ la a san-yɔɔ.