Populære bibelvers fra Luuk 6

Del

Te, ate ba le te fu, a magsi nalimnyiini, a duŋ, a choa, ate ku sueri a nyini a doa fi naŋsa zuk. Jabuui ate fi pai magsi a te la, dila dek ate fi le nya.>>

Nuru maŋ a tom ka tuimaŋsa a ta a nyini wa suinum po. Nuru biok mɛ a tom ka tuimbaata a ta a nyini wa suinum bioku po. Dii nyiŋla, wa dii ale bo nuru suinum po la, ka dila dekdega ate wa a biisi.

Alege ku a fɛ kama ate ni ta yaalika ale ni dachaasa abe ni a tom tuimaŋsa a te nuruba, abe ni kan a yiili ayen ba mɛ le tom tuimaŋsa a te nama mɛ, abe ni a te nuruba maarika, abe ni ka a yiili ayen nuru bala mɛ ale maari nama mɛ. Ni dan nye nyaŋa de meena ni tutuna kpiema ŋaai ale bo ŋaaŋ la, le zuak ka nna yegayega ate ku sak ayen ni ka Wen Kpienni nidoabilisa, dii nyiŋla, wa diem ta jiirim kama ale baai ale kan a nye nuru jiam ase ba nin nye wari a te ba la. Wa ta jiirim mɛ kama ale gaasa nyam.

Ni ta jiirim ase ni Kowa Wen ale ta jiirim diila.

<<Ni dan a bo nuruba buusa, nama dek mɛ le nya ka buusa boka. Dila nyiŋla, ni kan a bo nuruba buusa. Ni vɔŋ a te nuruba ate nama mɛ nya vɔŋteka.

<<Alege mi a weeni ka mama ayen ni wom, ni a yaali ni dachaasa abe ni a tom tuimaŋsa a te baai ale kisi ni la abe ni a niak baai ale a ka a te ni la, abe ni a puusi Wen a te baai ale a lɛ ni la.

Ase fi ale a yaali nuruba nye dii a te fu la, fi mɛ nye dila.

Waai a dan fɔbi fi tapiak, virim ka choawa mɛ a te wa ate wa fɔbi. Waai mɛ abe dan yeeri fi garuk geli ale pagrim, yeeri garuk kuui mɛ ate fi jo garuk genni a vi ku zuk la a te wa. Waai a dan juisi ni jaab, ni te wa. Waai abe dan pai ni jaab mɛ ni kan bek wa ate wa te ni.

Tiib maŋ a kan yɔni yɔn baata yaase tiib biok a yɔni yɔn maŋsa.

Tiib meena ba seba bu ka bu yɔnaŋa nyiŋ, ba gbesi chicheba kangbegi zuwa? Yaase fi nya kinkama zauŋ zuwa.