Populære bibelvers fra San Juan 8

Del

*Ndá chꞌin Jesús xínixje̱he̱ ti sin tsíkóchjina, ndáchro: ―Janhan mé ti xrohi tꞌinkaséñaxín chjasintajni. Ti tsochrehéra ti janhan la tsꞌájira ti tꞌinkaséña la tsochontara ti kjuachón, la í tsꞌájihyara ti sítie.

la ko tsjatso̱anra ti nkehe chaxín ndoá, la ti nkehe chaxín ndoá mé tsjinki̱tsa kixin ti Jínahña la í tsꞌe̱tue̱nhña ti jahara.

Ndá nixje̱he̱ chꞌin Jesús ti sin judío kuitekaon ti jehe chꞌan, ndáchro chꞌan: ―Ti tsi̱to̱éhyara ti nkehe kjuákohára ndá chaxín tsꞌónara chojni kuénta̱na

La ti Xje̱en Díos tso̱tjáhara kjuachaxin ndá chaxín tsochontara ti kjuachaxin, la í tsochontahyara ijie̱.

Ndá na̱xa̱ tjanchankí sin, ndá chꞌin Jesús xrendoá chꞌan la ndáchro chꞌan: ―Ti nkojínra tjejora ntihi chontahyara ninkehó ijie̱, la sa̱o itéra ti ixro̱.

Ndá ndáchro chꞌin Jesús: ―Ijnko nkehe chaxín tso̱tjo̱nkara kixin ti nkexro tjasin ijie̱ mé xrokjuahya tsíto̱he sin iji̱é sin kixin ti ijie̱ mé tꞌe̱tue̱hen ti jehe sin.

Ndá kꞌuínkatjen chꞌan la tsjehe chꞌan la i ninkexró kohya, ndá kjuanchankíhi chꞌan ti tjan a: ―¿Nkekjá ti sin kjuanchia ijie̱? ¿Á ninkexró kjuíntakjasótiahya ní? Ndá jehe tjan ndáchro tjan: ―Náhí, ninkexró. Ndá chꞌin Jesús ndáchro: ―Kja̱xin janhan si̱ntakjasótiahya. Sátjia la í tjásinhña ijie̱.