Populære bibelvers fra YAPHANG 22

Del

Aboni bagwi Abraham a hatháino Subraiyung se Jugaliui rwnai hwnwi mung phar kha; a kók tabuk jorabo sajagwi’-no tongo, “Subraiyungni hathái-o Jugaliui rwjaknai.”

Kaitor hai hwnwi sa kha, “Nwslano na di, nini hamjak kukma khoroksa susuk nwsla Isakno tẃiwi ha Moria-o thángwi ang phunukma a hathái-o tlangwi tanwi sógwi ma barogwinai.”

Kaitor hai hwnwi sa kha, “Nwng chwraini saka-o yak ta tisa di, bono mungsa ta khlai di; tamni hwn khe, ang saui man kha nwng Kaitorno kiri’-ono, ang nuk kha nwng nwsla khoroksa susuknobo ano rwnani yak kwcha li ya.”

Abraham hai hwnwi sa kha, “Sajla Kaitor baithang’-no, sógwi barokna bagwi jugaliui rwnai.” Hakhe bórok phasaknwi’-no tháng lai kha.

Ang nono hamari rw sinai’-no, ang nini bosongno nokhani athukiri hai khe tei twijlang rukungni hasing hai khe er rwnai. Tei nini bosongrok bórokni arirokni hapmani duglamno seknai, phiya nini bosongrokni tẃi khe ha sakani bebak dopharok hamari mannai, tamni hwn ba nwng ani kókno khna kha.”

Aboni sal kisa ulo khe Kaitor Abrahamno amjogwi nai kha, bo bono “Abraham” hwnwi ring kha, hakhe Abraham khorang yachagwi “Ang oro se!” hwnwi sa kha.

Tamo khe Subraiyungni suari chuknohani ringwi bono hai hwnwi sa kha, “Abraham, Abraham!” hakhe bo sa kha, “I’n ang oro se.”

Subraiyungni suari chuknohani tei uáisa Abrahamno ringwi sa kha, “Ang baithangni mung bai’-no swmai tangwi sa-o, nwng omo tẃi samung tang kha, nwsla khoroksa susukno narwgwi ton li ya

Kaitor samani hathái-o bórok sók phai khe, Abraham aro háyá kaisa snam kha tei bolrokno jai khe bera kha tei bwsa Isakno khaui háyá-o bolrokni saka-o khe boksa kha.