Populære bibelvers fra MATIUS 13

Del

Sin tong lo'ong éh pelohoo' tong tana' éh jian, inah éh barei' kelunan éh menéng rengah nah ngan nesen éh. Pu'un réh ngebuaa', jelua' réh pinaa' buaa' réh, jelua' réh kerat awah buaa' réh, jelua' réh kepéh, kerat mu'un buaa' réh. Kenat sin ha' tapan iri' ne', ha' néh.

Sin tong lo'ong éh pelohoo' lem suha', inah éh barei' kelunan éh menéng rengah nah, bang neu' réh kawa' neu' urip réh tong tana', ngan neu' réh pitah pengekaya', inah éh maneu' rengah inah ngerising lem kenin réh, bé' réh omok ngebuaa'.

Kelunan éh menéng rengah tong jalan Allah Pengeja'au bang bé' réh nesen éh, inah éh barei' lo'ong éh pelohoo' tong dirin jalan nah. Tuai iah éh sa'at tioo alaa' lo'ong inah jin lem kenin réh.

Sin tong lo'ong éh pelohoo' tong bateu', inah éh barei' kelunan éh lepah menéng rengah ké' ngan alaa' éh ngan jian kenin. Bang bé' éh masek lem lepok kenin réh mu'un, bé' réh omok ngeretep. Hun pu'un tusah ngan keta kepéh uban rengah inah, irah tioo bet éh awah.

La'ah ha' Yésus kepéh, Inah jah ha' tapan éh bara' tong jalan kelunan pitah ke' réh omok tai lem nihau Allah hun néh tuai Pengeja'au. Inah éh barei' livah éh ma'an melih éh nelim réh tong térék. Pu'un kelunan na'at livah inah, iah tioo petavun éh melim éh kepéh. Murung kenin néh, tai éh melih kekat livah néh ke' néh omok moléé' tai melih térék inah kepéh, ha' néh.

Bang pu'un jelua' kepéh pelohoo' tong tana' jian, nyekaa' éh pah avéé' néh ngebuaa'. Kebit pungun néh, pinaa' buaa' néh kepéh. Pu'un éh jian mu'un ngan pinaa' lo'ong néh, pu'un éh kepéh éh jian si'ik, kerat awah lo'ong néh, pu'un éh jah kepéh éh sa'at jin inah, kerat mu'un lo'ong néh. Kenat ha' tapan éh benara' Yésus ngan réh.

Turut ke' parai ngan ureu' nah murip pemung hun iteu', sioo' ajau boh ku' nyohoo' kelunan éh tai majau nah mavut ureu' nah tenah ngan memikah éh ngan bet éh tai luten, ngan nyohoo' réh alaa' parai ngan modoo' éh tong luvung ké', ha' néh.