Populære bibelvers fra YOHANES 15

Del

Ha' Yésus kepéh, Akeu' iteu' inan buaa' agun, ka'ah éh paka' néh. Séé'-séé' éh petem dalem Akeu' ngan Akeu' pu'un petem dalem Néh, adang néh ngebuaa' ngan buaa' néh pinaa', uban bé' keh omok maneu' ineu'-ineu' tengéé'.

Jian keh petem dalem Akeu', Akeu' péh petem dalem ka'ah. Hun keh bé' petem dalem Akeu', bé' keh omok ngebuaa', barei' paka' buaa' agun bé' omok ngebuaa' hun néh bé' pu'un dalem inan néh, ha' Néh.

Hun keh pu'un petem dalem Akeu' ngan ha' tebaraa' Ké' pu'un petem dalem keh, hun keh menyat ineu'-ineu' éh pengeloo' keh, adang néh pu'un kenat.

Bé' éh ka'ah éh ngevéléé' Akeu', bang Akeu' éh ngevéléé' keh ngan Akeu' éh nyohoo' keh tai ngan ngebuaa' ngan buaa' pinaa', buaa' éh kenat omok éh pelinguh. La'ah ineu'-ineu' keh menyat jin Tamen Ké' dalem ngaran Ké', adang Néh mena' éh ngan keh kepéh.

Kemurung éh pelapah ja'au mu'un, inah éh hun kelunan mena' urip néh uban néh murung bakéh néh.

Kekat paka' néh éh bé' ngebuaa', nebet Néh awah éh, ngan kekat paka' éh ngebuaa', netoo' néh éh ke' néh omok jian urip ngan ngebuaa' kepéh.

Iteu' éh sohoo' Ké' ngan keh, jian keh murung jah usah ngan jah usah barei' Akeu' péh murung ka'ah.

Hun keh ngebuaa' ngan buaa' pinaa', inah jalan Tamen Ké' pu'un kenajung, ngan inah jalan keh omok bakéh Ké' mu'un.

La'ah ka' ha' Yésus kepéh, Akeu' iteu' inan buaa' agun mu'un, ngan Tamen Ké' éh mihau pulah agun iteu'.

Séé'-séé' éh bé' pu'un petem dalem Akeu', nebet Néh awah éh barei' paka', ngan mapeu' éh. Paka' éh mapeu', pu'un réh tipun éh ngan bet éh lem luten.

Ka' ha' Yésus kepéh, Pu'un Akeu' bara' kenat ngan keh dokoo' kemurung Ké' omok pu'un dalem ka'ah, ngan kemurung ka'ah omok sukup mu'un.

Hun keh kivu kekat sohoo' Ké', boh keh petem lem kemurung Ké', barei' Akeu' kivu kekat sohoo' Tamen Ké' ngan pu'un Ku' petem dalem kemurung Néh, ha' Néh.

La'ah iteu' éh sohoo' Ké' ngan keh, jian keh murung jah usah ngan jah usah, ha' Néh.

Hun keh pu'un pekua' kenin ngan irah tong tana' iteu', boh réh murung keh. Bang pu'un Akeu' ngevéléé' keh jin belah irah tong tana' iteu', ngan bé' keh pekua' kenin ngan réh kepéh. Uban keh bé' pekua' kenin ngan réh, inah maneu' réh leko keh.