Populære bibelvers fra YOHANES 14

Del

Ka' ha' Yésus kepéh, Pawah kenin keh, pengepawah Ké' Akeu' mena' éh ngan keh, bé' Ku' ngepawah kenin keh barei' kelunan éh mihau urip réh tong tana' awah. Mai keh tusah kenin, mai keh medai.

Yésus mipa éh, Akeu' iteu' éh jalan, ngan Akeu' iteu' éh teneng, ngan Akeu' iteu' éh urip, bé' pu'un séé'-séé' éh omok tavin Tamen Ké' hun néh bé' pu'un jalan Akeu'.

Ka' ha' Yésus kepéh, Mai keh pelasam ngan béé kenin, jian keh ngelan tong Allah ngan ngelan tong Akeu' kepéh.

Bang hun Penolong inah pu'un tuai, inah éh Sahéé' Ni'ai éh juk senohoo' Tamen Ké' tuai lem ngaran Ké', Iah juk nebaraa' keh ngan petesen keh kepéh tong kekat tebaraa' éh benara' Ké' ngan keh.

Ka' ha' Yésus kepéh, séé' éh mihau ngan kivu kekat sohoo' Ké', kelunan inah éh murung Akeu', Tamen Ké' murung irah éh murung Akeu', ngan Akeu' péh murung éh ngan juk pepoléng usah Ké' ngan néh, ha' Néh.

Akeu' juk menyat jin Tamen Ké', boh Éh mena' jah Penolong kepéh ngan keh, inah éh Sahéé' éh pepoléng kekat éh teneng, ke' Néh omok pu'un ngan keh pelinguh. Iah Sahéé' Ni'ai éh bara' ineu' éh teneng tong Allah. Kelunan éh mihau urip réh tong tana' iteu' awah, bé' réh omok alaa' Éh uban bé' réh omok na'at Éh ngan bé' réh omok jam Éh bang ka'ah iteu' jam Éh uban Néh pu'un mokoo' ngan keh, ngan pu'un pemung ngan keh.

Ngan ineu'-ineu' éh keh menyat dalem ngaran Ké', omok Ku' maneu' éh pekua' éh nenyat keh nah, dokoo' pengaren Tamen Ké' pu'un poléng dalem Anak Néh. Ineu'-ineu' nenyat keh dalem ngaran Ké', omok Ku' maneu' pekua' barei' inah, ha' Néh.

Ka' ha' Yésus kepéh, Hun keh murung Akeu', adang keh pu'un kivu kekat sohoo' Ké'.

Dalem umaa' Tamen Ké' pu'un pinaa' lamin, ngan Akeu' juk tai petenup jalan ngan keh. Hun néh bé' pu'un pinaa' lamin kenat, bé' Ku' pu'un bara' kenat ngan keh.

La'o Ké' tai petenup jalan ngan keh, boh Ku' tuai alaa' keh dokoo' keh omok pu'un pemung ngan Ké' sinah.

Ka' ha' Tomas ngan Néh, Tuhan bé' mé' jam kemah Ke' juk tai nah, kineu' jalan mé' omok jam éh ke' mé' omok tai sinah da', ha' néh.