Populære bibelvers fra KO SĒNESI 22

Del

Pea na‘e fakahingoa ‘e ‘Epalahame ‘a e potu ko ia ko Sihova-siaila [ko Tokonaki-pē-‘e-Sihova] –‘o hangē ko e lea ‘oku fakatokotokanaki ‘aki ‘i onopooni “‘I he mo‘unga ‘o Sihova ‘e hā.”

pea tali ‘e ia, Ko au. Pea ne folofola mai, ‘Ē, ke ke ‘ave ho foha, ‘a ho‘o me‘a pē taha, ho ‘ofa‘anga, ‘a ‘Aisake, pea ‘alu mo koe ki he fonua ko Molaia; pea fai‘aki ia ha feilaulau tutu ‘i ha funga mo‘unga te u toki fakahā atu.

Pea ne folofola mai, ‘Oua te ke ala ki he tama, pea ‘oua te ke fai ha me‘a ki ai: he ‘oku ou ‘ilo eni ko e tokotaha koe ‘oku ke ‘apasia ki he ‘Otua, koe‘uhi na‘e ‘ikai te ke mamae‘i meiate au ho foha, ‘a ho‘o me‘a pē taha.

Pea pehē ‘e ‘Epalahame, Tama, ko e ‘Otua te ne tokonaki ‘e ia ha‘ane lami ki he feilaulau: pea na laka atu fakataha.

ko ia te u mātu‘aki tāpuaki‘i koe, pea te u mātu‘aki fakatokolahi ho hako ke tatau mo e ngaahi fetu‘u ‘o e langi, pe ko e ‘one‘one ‘i he matātahi; pea ‘e ma‘u ‘e ho hako ‘a e ngaahi matanikolo ‘o honau ngaahi fili; pea ko ho hako ‘e monū‘ia ai ‘a e ngaahi pule‘anga ‘o māmani; koe‘uhi ā kuo ke tuitala ki he‘eku lea.

PEA hili ‘a e ngaahi me‘a ko ia na‘e sivi ‘a ‘Epalahame ‘e he ‘Otua; ko ia na‘a ne folofola mai, ‘E ‘Epalahame

Ka ka ui mai ‘a e ‘Āngelo ‘a Sihova mei langi ‘o pehē, ‘Epalahame! ‘Epalahame! pea ne pehē, Ko au.

Pea ui mai mei langi kia ‘Epalahame ‘a e ‘Āngelo ‘a Sihova ko hono tu‘o ua, ‘ō pehē, Ko e folofola eni ‘a Sihova, Kuo u fuakava ‘iate au, ko e me‘a ‘i ho‘o fai pehē, ‘o ‘ikai te ke mamae‘i ho foha, ‘a ho‘o me‘a pē taha

Pea faifai pea na a‘u ki he potu kuo fakahā ‘e he ‘Otua kiate ia; pea hanga ai ‘a ‘Epalahame ‘o ne fokotu‘u ai ‘a e ‘ōlita, ‘o ne fakatoka ‘a e fefie, ‘o ne kafai ‘a hono foha ko ‘Aisake, ‘o ne hilifaki ‘i he ‘ōlita ki he makafefie.