Populære bibelvers fra EKISODO 7

Del

Morena a fetola a re: Tseba gore ke go beile gore o be modimo go Farao, mme Arone ngwaneno o tlo ba moporofeta wa gago.

Gomme nna, pelo ya Farao ke tlo e thatafatša, gore mo nageng ya Egipita ke atiše mehlolo le matete. Mme Farao a ka se ke a le kwa; ke mo ke tlogo iša seatla sa ka ka swara Baegipita, ka khuduša makoko a ka a setšhaba sa ka sa Baisiraele mo nageng ya Egipita ka dikahlolo tše kgolo.

Ke mo Baegipita ba tlogo lemoga ge Morena e le nna ke ba swere ka seatla sa ka, mme ke ntšha Baisiraele mo go bona.

Farao a bitša ba bohlale le didupe; gomme dingaka tša Egipita le tšona tša dira tšona tšeo ka meleko ya tšona. E mongwe le e mongwe a lahla lepara la gagwe fase, la fetoga noga. Fela, lepara la Arone la metša mapara a bona.

Bjale Morena o re: Se o tlogo lemoga ka sona ge Morena e le nna, sese: Bjale ke tlo itia meetse a noka ka lepara le ke le swerego, gomme a tlo fetoga madi.

Ge Farao a bolela le lena a re: Dirang mehlolo! O botše Arone o re: Tšea lepara la gago o le lahle fase pele ga Farao, mme le tlo fetoga noga. Moshe le Arone ge ba fihla go Farao ba dirile se Morena a ba laetšego sona. Arone o lahlile lepara la gagwe fase pele ga Farao le pele ga bahlanka ba gagwe, mme la fetoga noga.