Populære bibelvers fra Jesaja 45

Del

Eg gjev deg skattar som er løynde i mørkret, og rikdomar gøymde på løynlege stader, for at du skal kjenna at eg er HERREN, som har kalla deg ved namn, Israels Gud.

Eg vil gå framfor deg. Fjell vil eg jamna ut, bronsedører vil eg knusa, og jernbommar vil eg hogga sund.

Eg er HERREN, ingen annan, det finst ingen annan gud enn eg. Eg spenner beltet om livet på deg, endå du ikkje kjenner meg, for at dei skal kjenna i aust og vest at det ikkje er nokon annan enn eg. Eg er HERREN, ingen annan.

Eg formar lys og skaper mørker, eg stiftar fred og skaper ulukke. Eg, HERREN, gjer alt dette.

Vend dykk til meg og bli frelste, alle endane av jorda! For eg er Gud, og ingen annan.

Så seier HERREN til den han har salva, til Kyros, som eg har gripe i høgre hand for å tvinga folkeslag under han og løysa belte av kongar og opna dører for han, og ingen port skal vera stengd.

Ved meg sjølv har eg svore, rettferd har gått ut frå min munn, eit ord som ikkje vender attende: For meg skal kvart kne bøya seg, kvar tunge skal sverja ved meg.

For min tenar Jakobs skuld, for Israel, min utvalde, kallar eg deg ved namn. Eg gjev deg heidersnamn endå du ikkje kjenner meg.