Populære bibelvers fra 1. Kongebok 18

Del

Svar meg, HERRE! Svar meg, så dette folket skjønar at du, HERRE, er Gud, og at du har vendt hjartet deira til deg igjen.»

Då tida for grødeofferet var komen, steig profeten Elia fram og sa: «HERRE, Abrahams, Isaks og Israels Gud! Lat det i dag bli kjent at du er Gud i Israel, at eg er tenaren din, og at det er på ditt ord eg har gjort alt dette.

Elia steig fram for heile folket og sa: «Kor lenge vil de halta til begge sider? Er HERREN Gud, så hald dykk til han, og er Baal Gud, så hald dykk til han!» Men folket svara ikkje eit ord.

Då fór HERRENS eld ned og øydde både brennofferet og veden, steinane og jorda, og sleikte opp vatnet som var i grøfta.

Då folket såg det, kasta dei seg ned med andletet mot jorda og sa: «HERREN, han er Gud! HERREN, han er Gud!»

Sjuande gongen sa guten: «Eg ser ei lita sky, ikkje større enn ei menneskehand, stiga opp av havet.» Då sa Elia: «Gå og sei til Ahab at han må spenna føre og fara heim, så ikkje regnet skal hefta han!»

Men HERRENS hand kom over Elia. Han batt opp kjortelen og sprang føre Ahab heilt til Jisreel.

Sidan sa Elia til Ahab: «No kan du gå opp og eta og drikka; for eg høyrer susen av styrtregn.»

Så sa han til tenaren sin: «Gå opp og sjå ut mot havet!» Guten gjekk opp og såg utover, men sa: «Det er ingenting å sjå.» Sju gonger sa Elia: «Gå opp att!»

Då sa Elia til folkemengda: «Kom hit til meg!» Og heile folket gjekk bort til han. Så sette han i stand igjen HERRENS altar, som var nedrive.

Så kan de kalla på guden dykkar ved namn, og eg vil kalla på HERREN ved namn. Den guden som då svarar med eld, han er Gud.» Heile folket svara: «Godt, lat det vera så!»

Han tok tolv steinar, ein for kvar av stammane etter sønene til Jakob, han som HERREN hadde tala dette ordet til: «Israel skal namnet ditt vera.»

Då det hadde vorte middag, hånte Elia dei og sa: «Rop høgare! Han er då gud. Han er vel fallen i tankar, eller han har gått avsides eller er ute på reise. Kanskje han søv og må vakna.»

Av desse steinane bygde han eit altar i HERRENS namn. Og rundt ikring altaret grov han ei grøft som svara til ein åker som tek to sea såkorn.