Kenese 2
2
1‘Ua uma lava ‘ona faia o le lagi ma le lalolagi ‘atoa fo‘i ma mea uma o i ai.
O le Aso Fitu
2‘Ua fa‘auma e le Atua i le aso fitu lana galuega na faia e ia; ‘ona mālōlō ai lea o ia i le aso fitu i lana galuega uma na faia e ia.#Epe 4.4, 10 #Eso 20.11 3‘Ona fa‘amanuia atu lea e le Atua i le aso fitu, ma na fa‘asāina#2.3 fa‘asāina: po o fa‘apa‘iaina. ai auā na mālōlō ai o ia i lana galuega uma lava na faia e le Atua ma na saunia. 4O le tala lenei i le lagi ma le lalolagi ‘ina o faia o ia.
O le Fa‘ato‘aga i Etena
I le aso na fai ai e le ALI‘I#2.4 ALI‘I: mai le gagana Eperu “Iavē po o le YHWH,” ma e fa‘aaogāina i mata‘i tusi tetele, e fa‘a‘ese‘eseina ai le ali‘i e ‘ave i le tagata ma le ALI‘I e ‘ave i le Atua. le Atua le lalolagi ma le lagi. 5A o leai lava ni vao iti uma o le fanua i le lau‘ele‘ele, ‘ua lē tutupu fo‘i la‘au afu uma o le fanua auā e le‘i fa‘atotōina le timu e le ALI‘I le Atua i le ‘ele‘ele, ‘ua leai fo‘i se tagata e galue i le lau‘ele‘ele. 6A ‘ua alu a‘e le ‘ausa i le ‘ele‘ele, ‘ua susū ai le fogā‘ele‘ele uma.
7‘Ona faia lea e le ALI‘I le Atua o le tagata#2.7 tagata: mai le gagana Eperu “‘ele‘ele.” i le efuefu o le ‘ele‘ele, ma ‘ua mānava i ona pogaiisu o le mānava ola, ‘ona ‘avea ai lea o le tagata ma tagata ola.#1 Kori 15.45
8‘Ua faia fo‘i e le ALI‘I le Atua o le fa‘ato‘aga i Etena i sasa‘e, ‘ona ia tu‘uina lea i lea mea o le tagata na na faia. 9‘Ua fa‘atutupuina fo‘i e le ALI‘I le Atua i le fanua o la‘au uma e matagofie i le va‘ai e lelei fo‘i pe a ‘aina ma le la‘au o le ola i totonu o le fa‘ato‘aga ma le la‘au e iloa ai le lelei ma le leaga.#Fa‘aa 2.7; 22.2, 14
10Na tafe atu fo‘i le vaitafe mai Etena e fa‘asūsū ai le fa‘ato‘aga, ‘ona ala ‘ese‘ese ai lea, ‘ua ‘avea ma vaitafe e fa. 11O le igoa o le tasi o Pisona, e fa‘ata‘amilomilo lea i le nu‘u uma o Havila, e i ai auro; 12e lelei fo‘i auro o lea nu‘u, e i ai petala ma ma‘a soama. 13O le igoa fo‘i o lona lua o vaitafe o Kaiona; e fa‘ata‘amilomilo lea i le nu‘u uma o Kuso#2.13 Kuso: po o Aitiope. 14O le igoa fo‘i o lona tolu o vaitafe o Hitekelu; e tafe atu lea i sasa‘e i Asuria. O lona fa o vaitafe o Eufirate lea.
15‘Ua ‘ave fo‘i le tagata e le ALI‘I le Atua ma ‘ua tu‘u ‘iā te ia i le fa‘ato‘aga i Etena e galue ai ma leoleo ai. 16‘Ua fetalai atu fo‘i le ALI‘I le Atua i le tagata, o lo‘o fa‘apea atu, “O la‘au uma o i le fa‘ato‘aga ‘e te ‘ai ai. 17A o le la‘au e iloa ai le lelei ma le leaga,#2.17 iloa ai le lelei ma le leaga: po o iloa ai mea uma. ‘aua ‘e te ‘ai ai auā o le aso ‘e te ‘ai ai, ‘e te oti ai lava.”
18‘Ua fetalai mai fo‘i le ALI‘I le Atua, “E lē lelei ‘ina to‘atasi o le tagata; ‘ou te faia sona fesoasoani e tatau ma ia.” 19Na faia e le ALI‘I le Atua i le ‘ele‘ele o manu vaefā uma lava ma manu felelei uma lava; ma ‘ia ‘aumaia ‘iā Atamu ‘ia iloa pe ni a ni igoa na te fa‘aigoa ai; o le igoa ‘ua fa‘aigoaina ai e Atamu i mea ola uma o lona igoa lea. 20‘Ona fa‘aigoaina atu lea e Atamu o igoa i manu vaefā fanua uma ma manu felelei, ‘atoa ma manu vaefā uma o le vao a o Atamu, e le‘i maua se fesoasoani e tatau ma ia.
O le Ulua‘i Fafine
21‘Ua fa‘amoegaseina o Atamu e le ALI‘I le Atua, i le ‘ua moe lava; ‘ona tōina lea e ia le tasi o ona ivi ‘aso‘aso ma na fa‘aso‘o ane le ‘a‘ano e sui a‘i. 22O le ivi ‘aso‘aso fo‘i na tōina e le ALI‘I le Atua ‘iā Atamu ‘ua na fai a‘i le fafine,#2.22 fafine: mai le gagana Eperu o le tagata ma le fafine e tutusa o lā‘ua uiga “‘ele‘ele.” ‘ona ia ‘aumaia lea o ia ‘iā Atamu. 23‘Ona fa‘apea ai lea o Atamu:
“O le ivi lava lenei o o‘u ivi,
ma le ‘a‘ano o o‘u ‘a‘ano,
e ta‘ua o ia o le fafine,
auā na tōina atu o ia ai le tane.”
24O le mea lea e tu‘ua ai e le tane lona tamā ma lona tinā, ‘ae fa‘atasi ma lana avā, ‘ona ‘avea ai lea o i lā‘ua ma tino e tasi.#Mata 19.5; Mare 10.7-8; 1 Kori 6.16; Efe 5.31
25Sa lē lavalavā i lā‘ua o Atamu ma lana avā, a ‘ua lē mamā lava.
Nu geselecteerd:
Kenese 2: RSCB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Revised Samoan Catholic Bible © Bible Society of the South Pacific, 2010.
