Génesis 2
2
1Chaynatam cielopas kay pachapas hinaspa chaypi tukuy ima kaqkunapas unanchay tukusqa karqa. 2#Heb 4.4, 10.Diosmi qanchis kaq punchawpi tukuy ima ruwasqankunata tukurqa, hinaspam chay punchawpi tukuy ima ruwasqanmanta samarqa. 3#Ex 20.11.Hinaptinmi Diosqa qanchis kaq punchawta bendecispan kikinpa punchawninpaq sapaqcharqa, chay punchawpi tukuy ima unanchasqanmanta samasqanrayku. 4Kaynatam #2.4 Tayta Dios nispaqa rimachkan Señor ninantam.Tayta Dios unancharqa hanaq pachatawan kay pachata.
Edén huertapi Adanpa yachasqanmanta
Hanaq pachatawan kay pachata Tayta Dios unanchayta qallariptinqa 5manaraqmi ima sachapas nitaq qorakunapas karqaraqchu, Tayta Dios manaraq parachimusqanrayku; nitaqmi runapas llamkananpaq karqaraqchu. 6Aswanqa allpamantam yaku waspimurqa kay pachata nuyunanpaq. 7#1 Co 15.45.Chaymantam #2.7 Hebreo simipi Adam (Adán) ninanqa “runa” ninanmi.runata ñutu allpamanta Tayta Dios ruwarqa, hinaspam kawsachiq samayta senqanpi pukuykuptin kawsaq runaña rikurirurqa.
8Tayta Diosmi Edenpi, intipa qespimunan lawpi huk huertata ruwarqa, chaymanmi ruwasqan runata churarqa. 9#Ap 2.7; 22.2, 14.Tayta Diosmi wiñachirqa mikunapaq sumaq ruruq tukuy rikchaq sachakunata. Wiñachirqataqmi kawsay qokuq sachatapas huertapa chawpinpi, chaynallataq allin kaqta mana allin kaqta reqsinapaq sachatapas.
10Huerta parqonanpaqmi Edenmanta mayu lloqsimurqa hinaspam tawa pallqaman rakikurqa. 11Punta kaq pallqanpa sutinmi karqa Pisón, chay mayum tukuy Havila lawninta muyumun, chaypim kan qori. 12Chay allpapi qoriqa suma-sumaqmi. Kantaqmi miskillaña asnariq sachakunapas chaynallataq bedelio hinaspa ónice sutiyuq rumikunapas. 13Iskay kaq pallqanpa sutinmi Gihón, chay mayum tukuy Cus lawninta muyumun. 14Kimsa kaq pallqanpa sutinmi Tigris, chay mayuqa Asiria nacionpa intipa qespimunan lawnintam richkan. Tawa kaq pallqanpa sutinñataqmi Eufrates.
15Tayta Diosmi runata Edén huertaman churarqa chaypi llamkaspa nanachikunanpaq. 16Chaypim runata kaynata kamachirqa: Huertapi llapallan sachapa ruruntam mikunki, 17allin kaqta mana allin kaqta reqsinapaq sachapa ruruntam ichaqa ama mikunkichu, mikuruspaykiqa wañurunkipunim, nispa.
18Chaymantam Tayta Dios nirqa:
Qaripa sapallan kayninqa manam allinchu, yanapaqnintayá paypaq hina ruwapusaq, nispa.
19Tayta Diosmi allpamanta unancharqa purun animalkunata, uywa animalkunata, chaynallataq alton pawaq animalkunatapas, hinaspam pusamurqa Adanman sutichananpaq. Paypa suti churasqanmi llapallan animalkunapa sutinqa. 20Adanmi suticharqa purun animalkunata, uywa animalkunata chaynallataq alton pawaq animalkunatapas. Adanpaqmi ichaqa paypaq hina yanapaqnin mana karqachu. 21Chaymi Adanta Tayta Dios sinchita puñurachirqa. Puñunankamam huknin costillanta hurqoruspan aychanta kaqllamanta wichqaykurqa.
22Chay costilla hurqosqanmantam Tayta Dios huk warmita ruwarurqa, hinaspanmi Adanman pusamurqa. 23Hinaptinmi #2.23 Adán ninanqa qari ninanmi.Adán nirqa:
¡Paymi ichaqa tulluypapas tullun,
aychaypapas aychan!
Paypa sutinmi warmi kanqa,
qarimanta ruwasqa kasqanrayku, nispa.
24 #
Mt 19.5; Mr 10.7-8; 1 Co 6.16; Ef 5.31. Chayraykum qariqa taytanta mamanta saqespa warminman hukllawakunqa, chaynapi iskayninku hukllaña kanankupaq.
25Warmipas qaripas qalallam karqaku, ichaqa manam penqakurqakuchu.
Nu geselecteerd:
Génesis 2: RCHQ2
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Chuya Qellqa Revisión @ Sociedad Bíblica Peruana, 2012
