ዶመ 2
2
1ሳሎቱነ ሳአይ ኡንቱንቱን ደእያዌ ኡባባይ ሀዋዳን መት ፖለቴዳ። 2ጾሳይ ባረ ኦዳ ኦሱዋ ኡሱፑን ጋላስ ፖሊደ፥ ባረ ኦዳ ኦሱዋ ኡባፐ ላፑን ጋላስ ሸምፔዳ።#እብራ. 4:4፣ 10 3ቃይ ጾሳይ ላፑን ጋላሳ አንጄዳነ ጌሻ ኦዳ፤ አያዉ ጎፐ፥ ጾሳይ ባረ ኦያ ኦሱዋ ዉርሲደ ሸምፔዳዌ ሄ ጋላሳና።
ኤደነ ገነትያባ
(2:4-25)
4ሳሉነ ሳአይ መቴዳዌ ሀዋዳና።
መና ጎዳይ ጾሳይ ሳኣነ ሳሉዋነ መዳ ዎደ፥ 5ሳኣ ቦላን ምይነ ማታይ ዶልቤና፤ ጫርሻይነ ጫርቤና፤ አያዉ ጎፐ፥ መና ጎዳይ ጾሳይ እራ ቡክስቤና፤ ቃይ ቢታ ኦያ አሳይካ ባዋ። 6ግዶፐነ ሳኣፐ ሃይ ፑደ ከሲደ፥ ቢታ ኡባ እርጽሴ። 7ሄዋፐ ጉየ፥ መና ጎዳይ ጾሳይ ቢታ ባናፐ እት አሳ#2:7 አሳ: “አሳ” ጉሳይ እብራዋቱዋ ቃላን “አዳማ” ጌተቴ፤ “አዳማ” ጉሳይ “ቢታ” ጉሳ፤ ሄዎ ላኡ ቃላቱ እቱ እቱዋ ማላቲኖ። መደ አ ሲያን ደኡዋ ሸምፑዋ ሸምፕ ገልሴዳ፤ ያትና ብታኒ ደኡዋን ደእያ አሳ ግዴዳ።
8መና ጎዳይ ጾሳይ አዋይ ዶልያ ባጋና ኤደነ ግያ ሳኣን ገነትያ ቶኬዳ፤ ያን ባረ መዳ ብታንያ ዎዳ። 9መና ጎዳይ ጾሳይ ጼላናዉ ሎእያ፥ ማናዉካ ማልእያ ኡባ ቆሞ ም ቢታፐ ዶልሴዳ። ገነትያ ግዱዋን ደኡዋ ምነ ሎኡዋነ ኢታ ኤርስያ ም ዎዳ።#ሳፃ 2:7፤ 22:2፣ 14
10ገነትያ ኡሽያ ሻፋ ሃይ ኤደነፐ ጎጌ። ኤደነፐ ከሴዳዋፐ ጉየ፥ ኦይዱ ሻፋ ከስ ሻከቴ። 11ኮይሮ ሻፋ ሱንይ ፕሶና፤ ፕሶን ዎርቃይ ደእያ ኤዉላጻ ግያ ቢታ ኡባ ቦላን ጎጌ። 12ሄ ቢታ ዎርቃይ ጌሻ ዎርቃ፤ ቃይ አልኦ ሽቱነ ሎይ ሎእያ ሹቻይ ያን ደኤ። 13ላኤን ሻፋ ሱንይ ግዮና፤ ግዮን ቶጵያ#2:13 ቶጵያ፦ እብራዋቱዋ ማጻፋን “ኩሽ” ጌተቴ። ሄዌካ ግብጼ ጋድያ ዱገሃ፥ ሀእ ደእያ ቶጵያ ጋድያነ ሱዳነ ጋድያ ጉሳ። ቢታ ኡባ ቦላን ጎጌ። 14ሄዘን ሻፋ ሱንይ ጸግሮሳ፤ ጸግሮስ አሶረፐ አዋይ ዶልያ ባጋና ጎጌ። ቃይ ኦይደን ሻፋይ ኤፍራጺሳ።
15ብታኒ ኤደነ ገነትያ ኦና ማላነ ናጋና ማላ፥ መና ጎዳይ ጾሳይ አ አፊደ ዎዳ። 16መና ጎዳይ ጾሳይ ብታንያ፥ “ገነትያ ም ቴራ ኡባፐ ኔን ማና ጎፐ ማ፤ 17ሽን ሎኡዋነ ኢታ ኤርስያ ም ቴራፐ ሞፓ፤ አያዉ ጎፐ፥ ኔን አፐ ሜዳ ጋላስ ቱሙ ሀይቃና” ያጊደ አዛዜዳ።
18ሄዋፐ ጉየ መና ጎዳይ ጾሳይ፥ “ብታኒ ባረካ ደእያዌ ሎአ ግደና፤ ታን አዉ እንጀትያኖነ አ ማድያኖ መና” ያጌዳ።
19መና ጎዳይ ጾሳይ መሄቱዋ ኡባ፥ ዶአቱዋ ኡባነ ሳሉዋ ካፎቱዋ ኡባ ቢታፐ መዳ፤ ቃይ ብታኒ ኡንቱንታ ዋግ ሱንነንቶነ በአናዉ አኮ አሄዳ፤ ብታኒ ደኡዋን ደእያ መታ ኡባ ሱንዳ ሱንይ ኡንቱንቱ ሱን ግዲደ አቴዳ። 20ሄዋዳን ብታኒ መሄቱዋ ኡባ፥ ሳሉዋ ካፎቱዋነ ባዙዋ ዶአቱዋ ኡባ ሱንዳ፤ ሽን አዳማዉ#2:20 አዳማ: እብራዋቱ ቃላን “አዳማ” ግያ ሱንይ “አሳ” ግያዋ። እንጀትያነ አ ማድያዌ ቤትቤና። 21ሄዋ ድራዉ መና ጎዳይ ጾሳይ ብታንያ ገምእሹዋ ካይሮዬዳ፤ እ ገምእሹዋ ካይሮት ደእሽን፥ አ ምይያ መቀፐ#2:21 ምይያ መቀፐ: አዳማ ምየ አሹዋፐ አከቴዳዋ ጉሳ። እቱዋ አኪደ፥ ሄ ሳኣ አሹዋ ኩንዳ። 22መና ጎዳይ ጾሳይ ብታንያፐ አኬዳ መቀ ማጫውኖ ኦዳ፤ ያቲደ እዞ ብታንያኮ አሄዳ። 23ያትና ብታኒ፥ “ሀያናሾ! ሀ መቀታ ታ መቀፐ፥ ሀ አሻታካ ታ አሹዋፐ አከቴዳውኖ፤ እዛካ አቱማ አሳፐ#2:23 አቱማ አሳ: ጉሳይ እብራዋቱዋ ቃላን “እሽ” ጌተቴ፤ “ማጫ አሳ” ጉሳይ “እሻህ” ጌተቴ፤ ሄዎ ላኡ ቃላቱ እቱ እቱዋ ማላቲኖ። አከቴዳ ድራዉ፥ ማጫውኖ ጌተቱ” ያጌዳ። 24ሄዋ ድራዉ አሳይ ባረ አዉዋነ ባረ አቶ አጊደ፥ ባረ ማቻትና እትፐ ደአና፤ ኡንቱንቱ ላኡ እት አሾ ግዳናዋንታ።#ማቶሳ 19:5፤ ማር. 10:7-8፤ 1 ቆሮ. 6:16፤ ኤፈ. 5:31 25ብታኒነ አ ማቻታነ ላአቱካ ካሎ ጺራ ደእኖ፤ ሽን እቱ እቶ ዬላትክኖ።
Nu geselecteerd:
ዶመ 2: DFBE
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
The Word for the World Ethiopia
