ዶመ 10
10
ኖሄ ናናቱዋ የለታ
(1 ኦዱዋ 1:5-23)
1ኖሄ ናና፥ ሴማ፥ ካማነ ያፌታ የለታይ ሀዋፐ ካሊደ ጻፈቴዳዋ፤ ባሻ ሃፐ ጉየ፥ ኡንቱንቶ አቱማ ናናይ የለቴድኖ።
ያፌታ ናና
2ያፌታ አቱማ ናናይ: ጎመራ፥ ማጎጋ፥ ማዳያ፥ ያዋና፥ ቱባላ፥ መሸካነ ቲራሳ።
3ጎመራ አቱማ ናናይ: አሽካናዛ፥ ሪፋታነ ቶጋርማ።
4ያዋና አቱማ ናናይ: ኤሊሻ፥ ታርሴሰ፥ ክቲማነ ሮዳ።
5ሀዋንቱፐ አባ ዶናን ደእያ አሳይ ኡባይ ባረ ጋድያን ጋድያን፥ ባረ ቃላን ቃላን፥ ባረ ያራን ያራንነ፥ ባረ ካዉተን ካዉተን ሻከቴድኖ።
ካማ ናና
6ካማ አቱማ ናናይ: ኩሻ፥ ምጽራይማ፥ ፑጻነ ካናና።
7ኩሻ አቱማ ናናይ: ሳባ፥ ኤዉላጻ፥ ሳብታ፥ ራእማነ ሳብታካ።
ራእማ አቱማ ናናይ: ሳባነ ዳዳና።
8ኩሽ ናምሩዳ የሌዳ፤ ናምሩድ ሀ ሳኣን ኮይሮ ዎልቃማ ኦላንቻ ግዴዳ፤ 9መና ጎዳ ስንንካ እ ዎልቃማ ሻንካንቻ ግዴዳ፤ “ናምሩዳዳን መና ጎዳ ስንን ዎልቃማ ሻንካንቻ ግዴዳ” ጉሳይ ሄዋ ድራሳ። 10አ ካዉተይ ኮይሮ ካታማት ሳናኦረ ጋድያን ደእያ ባብሎነ፥ ኤሬካ፥ አካዳነ ካልና። 11-12እ ሄ ቢታፐ አሶረ ቢደ፥ ነነዌ፥ ሮሆቦታነ ካላሀ ኬጼዳ፤ ቃይ ናናዌፐነ ካላሀፐ ግዱዋን ደእያ ረሴና ግያ ዎልቃማ ካታማካ ኬጼዳ።
13-14ምጽራይመ ሉደቱዋ፥ አናማዋቱዋ፥ ላሃበቱዋ፥ ናፍቱሄቱዋ፥ ፓትሮሳቱዋ፥ ካስሉሄቱዋነ ፕልስጼማቱዋ ዘረቱዋ የሌዳ ካፍቶረቱዋ የሌዳ። 15-18ካናነ ባረ ባይራ ናኣ ሲዶናነ ሄታ የሌዳ፤ ቃይ ካናነ ያቡሳ አሳ፥ አሞረ አሳ፥ ገርጌሰ አሳ፥ ሂዌ አሳ፥ አርቀ አሳ፥ ሲና አሳ፥ አርዋደ አሳ፥ ጻማረ አሳነ ሀማታ አሳ የሌዳ።
ሄዋፐ ጉየ፥ ካናነ ዛራቱ ላለትና፥ 19ካናነ ቢታ ዛዋይ ሲዶናፐ ዶሚደ፥ ጌራራናነ ጋዛና አደ፥ ሶዶማነ ጋሞራ፥ አዳማነ ጻቦይማ ቢደ፥ ላሻአን ዛዋቴ። 20ካመ አቱማ ናናይ ባረንቱ ያራን ያራን፥ ባረንቱ ቃላን ቃላን፥ ባረንቱ ቢታን ቢታንነ ባረንቱ ካዉተን ካዉተን ጻፈቴዳዋንቱ ሀዋንታ።
ሴማ ናና
21ሴማዉ ናናይ የለቴድኖ፤ እ ያፌታዉ ባይራ እሻነ ኤቦራ ናና ኡባዉ ማይዛ አዉዋ። 22ሴማ አቱማ ናናይ: ኤላማ፥ አሶራ፥ አርፋክሳዳ፥ ሉዳነ አራማ።
23አራማ አቱማ ናናይ: ኡጻ፥ ሁላ፥ ገቴራነ መሸካ።
24አርፋክሳድ ሸላሀ የሌዳ።
ሸላህ ኤቦራ የሌዳ።
25ኤቦራዉ ላኡ አቱማ ናናይ የለቴድኖ። እቱዋ ሱንይ ፔሌጋ፤ አያዉ ጎፐ፥ ሳኣን ደእያ አሳይ አ ዎድያን ሻከቴዳ፤ አ እሻ ሱንይ ዮቅጻና።
26ዮቅጻን ናና የሌዳ። ኡንቱንቱነ: አልሞዳዳ፥ ሸሌፋ፥ ሀጻርማዌታ፥ የራሀ፥ 27ሀዶራማ፥ ኡዛላ፥ ዲቅላ፥ 28ኦባላ፥ አብማኤላ፥ ሳባ፥ 29ኦፊራ፥ ሀዊላነ ዮባባ። ሀዋንቱ ኡባይካ ዮቅጻና አቱማ ናና።
30ኡንቱንቱ ደኤዳ ሄራይ ሜሻፐ ቢደ አዋይ ዶልያ ባጋና ደእያ ደሪ ዳርያ ጋድያን ሳፋራ ጋኬ። 31ሴማ አቱማ ናናይ ባረንቱ ያራን ያራን፥ ባረንቱ ቃላን ቃላን፥ ባረንቱ ጋድያን ጋድያንነ ባረንቱ ካዉተን ካዉተን ጻፈቴዳዋንቱ ሀዋንታ።
32ሀዋንቱ ባረንቱ ያራን ያራንነ ባረንቱ ካዉተን ካዉተን ጻፈቴዳ ኖሄ አቱማ ናና ዛራቱዋ። ባሻ ሃፐ ስሚደ፥ ካዉተቱዋ ሀዋንቱፐ ሳኣ ኡባዉ የለት አኬድኖ።
Nu geselecteerd:
ዶመ 10: DFBE
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
The Word for the World Ethiopia
