यहून्ना परिचै
परिचै
जौ यहून्ना की लिखी अच्छी खबर की किताब है। और जा किताब कै लिखनै बारे को पतो जा तरीका सै चलो कै जिस्सै “ईसु पियार करै हो” 21:20,24। और बानै जौ किताब ईसु मसी के पैदा होनै के 85 या 90 साल बाद लिखी। और यहून्ना के अब्बा को नाम जबदी हो और बाके छोटे भईया को नाम याकूब हो।
जो चार अच्छी खबर की किताब हैं, उनमै सै जौ एक है और जौ भौस्सी बातौं मै अगल है। जामै कोई दासतान ना है। जामै सात अचम्बो के कामौ के बारे मै बताओ गओ है। लिखनै बारे नै जा बात मै जोर दओ है कै ईसु बी दूसरे लोगौ के हाँई सरीर मै रैहते भए सुक दुख, भूँको पियासो और सिगरी बातौं कै बानै झेलो। और जा किताब मै यहून्ना नै मसी कै “परमेसर को लौंड़ा” के रूप मै दिखाओ। और जा किताब कै लिखनै के मकसद के बारे मै अध्याय 20:30–31 मै देख सकैं हैं।
रूपरेखा
परमेसर आदमी के रूप मै आओ 1:1–18
दुनिया मै ईसु की सेवा 1:19—12:50
चेलौ के संग ईसु की सेवा 13:1—17:26
ईसु को दुख भोगनो और फिर सै जिन्दो होनो 18:1—21:25
Nu geselecteerd:
यहून्ना परिचै: TKB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
New Life Compute Institute [NLCI] - CC BY-NC-ND 4.0