မဿဲ 2
2
အရှေ့ပြည်မှ ဧည့်သည်တော်များ
1ဟေရုဒ်မင်းလက်ထက် ယုဒပြည် ဗက်လင်မြို့တွင် ယေရှုမွေးဖွားလာတော်မူ၏။ ထိုအချိန်ကာလ၌ အရှေ့ပြည်မှ ပညာရှိများ#2:1 “ပညာရှိများ” မူရင်းဂရိကျမ်းတွင် “မက်ဂီ” ဟု တွေ့ရှိရပြီး နက္ခတ်ပညာရှင်များကိုလည်း ဆိုလိုသည်။သည် ဂျေရုဆလင်မြို့သို့ ရောက်လာ၍ 2“ယခု မွေးဖွားလာသော ဂျူးရှင်ဘုရင်သည် အဘယ်မှာရှိသနည်း။ ထိုအရှင်၏ကြယ် ထွက်ပေါ်လာသည်ကို ကျွန်ုပ်တို့တွေ့မြင်ရသောကြောင့် ထိုအရှင်ကို ဖူးမြော်ရန် ရောက်လာကြပါသည်” ဟု မေးမြန်းပြောဆိုကြ၏။
3ထိုအကြောင်းကို ကြားသောအခါ ဟေရုဒ်မင်းနှင့်တကွ ဂျေရုဆလင်မြို့တွင်ရှိသော လူအပေါင်းတို့သည် အလွန်စိတ်အနှောင့်အယှက်ဖြစ်ကြ၏။ 4ဟေရုဒ်မင်းသည် ယဇ်ပုရောဟိတ်ခေါင်းဆောင်များနှင့် ကျမ်းတတ်ဆရာများအားလုံးကို စုဝေးစေ၍ “ခရစ်တော်သည် မည်သည့်အရပ်တွင် မွေးဖွားလာမည်နည်း” ဟု မေးလေ၏။
5ထိုသူတို့က “ယုဒပြည် ဗက်လင်မြို့တွင် မွေးဖွားလာမည်။ ဤအကြောင်းအရာကို ပရောဖက်တစ်ပါးက
6‘အို ယုဒပြည် ဗက်လင်မြို့…
သင်သည် ယုဒပြည်ရှိ မြို့များထဲတွင် သေးနုပ်လှသောမြို့ မဟုတ်ပါ။
အဘယ်ကြောင့်ဆိုသော် သင့်အထဲက အုပ်စိုးသူတစ်ဦး ပေါ်ထွက်လာမည်။
သူသည် ငါ၏လူမျိုးတော်ဖြစ်သော အစ္စရေးတို့ကို အုပ်စိုးမည့်သူ ဖြစ်၏’#2:6 မိ ၅:၂၊ ၂ ရာ ၅:၂။
ဟူ၍ ရေးသားထား၏” ဟု လျှောက်ဆိုကြ၏။
7ထို့နောက် ဟေရုဒ်မင်းသည် ပညာရှိများကို တိတ်တဆိတ်ခေါ်ကာ ကြယ်ပေါ်ထွန်းသည့် အချိန်အတိအကျကို မေးမြန်းလေ၏။ 8ထို့နောက် ဟေရုဒ်မင်းက “ဗက်လင်မြို့သို့ သွား၍ ထိုသူငယ်ကို သေချာရှာဖွေကြလော့။ ရှာတွေ့သောအခါ ငါကိုယ်တိုင် သွားရောက်ဖူးမြော်နိုင်ရန် ငါ့ထံ ပြန်လာ၍ အကြောင်းကြားကြလော့” ဟု မှာကြားကာ စေလွှတ်လေ၏။
9မင်းကြီး၏မှာကြားချက်ကို နားထောင်ပြီးနောက် ထိုသူတို့သည်လည်း ထွက်သွားကြ၏။ ထိုအခါ အရှေ့ပြည်၌ တွေ့မြင်ခဲ့သောကြယ်သည် သူတို့ရှေ့မှ သွား၍ သူငယ်တော်ရှိသည့် နေရာအပေါ်သို့ ရောက်သောအခါ ရပ်တန့်လေ၏။ 10ပညာရှိများသည် ထိုကြယ်ကို မြင်သောအခါ အလွန်ဝမ်းမြောက်ကြ၏။ 11သူတို့သည် အိမ်ထဲသို့ ဝင်၍ မယ်တော်မာရိနှင့်အတူ သူငယ်တော်ကို တွေ့မြင်သော် ဝပ်တွားခယလျက် သူငယ်တော်ကို ရှိခိုးကြပြီးလျှင် မိမိတို့၏ ရတနာသေတ္တာများကို ဖွင့်ကာ ရွှေ၊ လောဗန်နှင့် မုရန်ဟူသော လက်ဆောင်များကို ဆက်သကြ၏။
12ထို့နောက် ဟေရုဒ်မင်းထံသို့ လှည့်ပြန်မသွားရန် အိပ်မက်တွင် ဘုရားသခင်သတိပေးတော်မူသဖြင့် သူတို့သည် အခြားလမ်းဖြင့် မိမိတို့၏တိုင်းပြည်သို့ ပြန်သွားကြ၏။
အီဂျစ်ပြည်သို့ တိမ်းရှောင်ခြင်း
13ပညာရှိများ ထွက်ခွာသွားပြီးနောက် ထာဝရဘုရား၏ ကောင်းကင်တမန်တစ်ပါးသည် ယောသပ်ကို အိပ်မက်တွင် ကိုယ်ထင်ပြ၍ “ထလော့။ သူငယ်နှင့် မယ်တော်ကို ခေါ်ဆောင်ကာ အီဂျစ်ပြည်သို့ ထွက်ပြေးလော့။ ဟေရုဒ်မင်းသည် သူငယ်တော်ကို ရှာဖွေ၍ သတ်ရန် ကြံစည်ပြီ။ ထို့ကြောင့် ငါပြန်ခေါ်မည့်အချိန်ထိတိုင်အောင် ထိုအရပ်၌ နေကြလော့” ဟု ဆိုလေ၏။
14ထိုညတွင်းချင်းပင် ယောသပ်သည် သူငယ်တော်နှင့် မယ်တော်မာရိကို ခေါ်ဆောင်ကာ အီဂျစ်ပြည်သို့ ထွက်သွားပြီးလျှင် 15ဟေရုဒ်မင်း ကွယ်လွန်သည်အထိ ထိုပြည်တွင် နေ၏။ ဤအရာမှာ “ငါသည် ငါ့သားကို အီဂျစ်ပြည်မှ ခေါ်ဆောင်ခဲ့ပြီ”#2:15 ဟော ၁၁:၁။ ဟူသည့် ပရောဖက်မှတစ်ဆင့် ထာဝရဘုရားမိန့်တော်မူခဲ့သောစကားတော်အတိုင်း ဖြစ်လာရန်ပင် ဖြစ်၏။
16ဟေရုဒ်မင်းသည် မိမိကို ပညာရှိများလှည့်ဖြားကြောင်း သိမြင်သောအခါ ပြင်းစွာအမျက်ထွက်လေ၏။ ထို့နောက် ပညာရှိများထံမှ စုံစမ်းမေးမြန်းထားသော ကြယ်ပေါ်ထွန်းသည့် အချိန်ကာလကို အခြေခံလျက် စစ်သားများအား ဗက်လင်မြို့နှင့် အနီးပတ်ဝန်းကျင်ဒေသသို့ စေလွှတ်ကာ နှစ်နှစ်အရွယ်မှစ၍ နှစ်နှစ်အောက် သားယောက်ျားအားလုံးကို သတ်စေ၏။ 17ဟေရုဒ်မင်း၏ ရက်စက်သောလုပ်ရပ်သည် ပရောဖက်ယေရမိမှတစ်ဆင့် မိန့်တော်မူသော ဘုရားသခင်၏စကားတော်အတိုင်း ဖြစ်လာလေ၏။ ၎င်းမှာ
18“ရာမအရပ်၌ ငိုကြွေးခြင်းနှင့်
အလွန်ညည်းတွားမြည်တမ်းခြင်းအသံကို ကြားရ၏။
ရာခေလသည် မိမိကလေးများ သေဆုံးသောကြောင့်
သူတို့အတွက် ငိုကြွေးကာ
နှစ်သိမ့်၍မရနိုင်”#2:18 ယေ ၃၁:၁၅။
ဟူ၍ ဖြစ်၏။
နာဇရက်မြို့သို့ ပြန်သွားခြင်း
19ဟေရုဒ်မင်း ကွယ်လွန်သောအခါ ထာဝရဘုရား၏ ကောင်းကင်တမန်တစ်ပါးသည် အီဂျစ်ပြည်၌ရှိသော ယောသပ်ကို အိပ်မက်တွင် ကိုယ်ထင်ပြ၍ 20“ထလော့။ သူငယ်တော်နှင့် မယ်တော်ကို ခေါ်ဆောင်ကာ အစ္စရေးပြည်သို့ ပြန်ကြလော့။ သူငယ်တော်ကို သတ်ရန်ရှာဖွေသောသူတို့သည် သေဆုံးကြပြီ” ဟု ဆို၏။
21ထိုအခါ ယောသပ်သည် ထ၍ သူငယ်တော်နှင့် မယ်တော်ကို ခေါ်ဆောင်ကာ အစ္စရေးပြည်သို့ ပြန်လေ၏။ 22သို့သော် ဟေရုဒ်မင်း၏နေရာ၌ သားဖြစ်သူ အာခေလသည် ဆက်ခံ၍ ယုဒပြည်ကို အုပ်ချုပ်နေကြောင်း ကြားသိသောအခါ ထိုပြည်သို့ မသွားဝံ့ပေ။ ထို့နောက် ယုဒပြည်သို့ ပြန်မသွားရန် အိပ်မက်တွင် သတိပေးခံရသဖြင့် ယောသပ်သည် ဂါလိလဲပြည်သို့ သွား၍ 23နာဇရက်ဟု ခေါ်သော မြို့၌ နေထိုင်လေ၏။ သို့ဖြစ်၍ “ကိုယ်တော်ကို နာဇရက်မြို့သားဟု ခေါ်ကြလိမ့်မည်” ဟူသော ပရောဖက်တို့၏ ဟောပြောချက်သည် ဖြစ်လာ၏။
Nu geselecteerd:
မဿဲ 2: BCB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
ခေတ်သစ်မြန်မာ သမ္မာကျမ်း™
မူပိုင်ခွင့်၊ © Biblica Inc. ၁၉၈၅၊ ၂၀၂၄
ခွင့်ပြုချက်ဖြင့် အသုံးပြုသည်။ ကမ္ဘာတစ်ဝန်းမူပိုင်ခွင့်များရယူပြီးဖြစ်သည်။
Burmese Contemporary Bible™
Copyright © 1985, 2024 by Biblica, Inc.
Used with permission. All rights reserved worldwide.
