Luka 24

Əsilye səka əmta, ərban zəni gəm əpeŋ na Daya

(24:1-53)

Əsilye na Yesu səka əmta

(MAT 28:1-10; MAR 16:1-8; YOH 20:1-10)

1Pay maddaabəŋ na lumu taka də təki biŋbiŋgi, gil nek pay a magamasə, akinin mẽl temtem mes məŋginit nenek məs akayaŋ neki. 2Arəhənək gərəm nak məkəɗəŋgələn sə ma magamasə. 3Səza atoŋgoŋ adaka, dərəhən gəbay na Daya Yesu ɓa. 4Aɗɗaŋgək gərəŋ aka an dəgəɗə. Yaŋ ɗiy sula arbanən zit azeti, tahəŋ dit lukutɗe məzuwiɗeŋ azeti. 5Geslne' armeke, ndəɗaŋ kiyit afuŋ təkə, ɗiy net aɓsitin na: Vimi kədawkayanən ɗəf madaran aweleŋgit ɗiy mimtit di? 6#MAT 16:21; 17:22,23; 20:18,19; MAR 8:31; 9:31; 10:33,34; LUK 9:22; 18:31-33Tay aŋ ɓa, asilke. Məɗɗumon an məs anah aka adawsan a Galile, 7Anahək na: Sessel kapsəni Wətən Ɗəf avet məɗɗaŋ mambraya, kakkpa'ən aka məzliwrihe, dəsilgən pay mahoko'ən səka əmta.

8Yaŋ aɗɗumonən əpel nan naka. 9Amilyoŋ səma magamasə, anah sitin wən net zəgeɗis pak sit gewleɗ kəlaw kiyit taka gəm sit en meɓɓet pakə. 10Ndəɗaŋgə Miryam mə Magdala, Yohanne, Miryam ma Yakob; gil məs dəssoŋ dənɗaŋgə, net pak anah wən vani'e sit maslənɗe. 11Ya agilik va wən na dərwa ɗar azet maslənɗe, dətafən əpel net gil vet ɓa. 12Yaŋ Piyer asil anzan a magamasə, adan aɓe' adaka, awle gabagaɗe kaka'ə. Yaŋ amndan ananda, aggətək aka zəga an dəgəɗə.

Aka tive na Emawus

(MAR 16:12-13)

13Pay dəpaska'e gewleɗ sula sə waleŋgit adaddoŋ a walaŋgəla na Emawus, zəga na kilometər kəlaw kiyən taka səza Yerusalem, 14yaŋ adazgaŋ meŋ aka walaŋ zit aka zəga an dəgəɗə. 15Aka adawpeleŋ gəm adawtawanəni, Yesu zək nan arufke, ambat dənɗaŋ. 16Ya heret dəkol gala nawsənən ɓa. 17Yaŋ Yesu aɓsit na meŋ na mi kədawzəmaŋ də ədawəŋ di? Yaŋ aziweŋ zit sirip. 18Taka naret adawyaŋ na Kəleyopas azlan sən na: Istə kaka' malaka a Yerusalem məs kəsən məs dəgəɗ addəv əvoŋgəŋ ɓa sa? 19Assohotike: Mi dəgəɗ di? Yaŋ azlan sənən na: Məs dəgəɗ aka Yesu mə Nazaret, məskəleŋ məzuɓap addəv wəza də addəv əpel aba Maŋgəlva də abet ɗiy pakə, 20va deyeɗe net məsdəlveŋge namə dit deyeɗe namə azəmənək kiyən vi kawtaw wən namta akani gəm akkpa'nən aka məzliwrihe. 21Azam na ndəni məs nawbit Israyel. Ya də as pakə, pay hoku yaŋ dəpaŋka zəgeɗis aɗɗaŋgə. 22Əmpa na gil sə walaŋgəm atapamənka, na mompumoŋ pum alvəɗaŋ a magamasə, 23dərəhən gəbay nan ɓa. Gil vet amilyoŋko, anahaŋ səmənək na, maslayɗe arbanənək zit azeti, apsitin na madarani. 24Ɗiy meɓɓet sə walaŋgəm ambataŋgək a magamas vani, arəhənək va gil vet anahaŋgə, ndən sən kiyən na, dulanən ɓa.

25Yaŋ Yesu aɓsit na: Məs kiyit tay ɓa gəm məs mekret ɓəl dawtaf an məskəleŋɗe anahaŋgə; 26dədah zəgeɗis dəɗɗaŋgən aka Kristu dəzəmgək sahã dətoŋgən addəv gagdak nan ɓa sa? 27Yaŋ aboton sit zəgeɗ en naɗɗa akan səddivit ɗerewelɗe pakə, təŋ səza Moyis hã gap azet məskəleŋɗe pakə.

28Yaŋ agapaŋ go'o də walaŋgəla məs adawmbataŋ agəɗək va nawtoŋgo. 29Azəmaŋgək sahã ammban dawnəh na: Asok də mənamə, vi pay tay ɓa, dəfɗi kana. Atoŋguk vi kawsan dənɗaŋ. 30Yaŋ asan dənɗaŋ kawzəma, agəm mepteke, asokonək Maŋgəlva, arɗani, apsiti. 31Yaŋ heret akolu, asənənka, yaŋ azə səma hereti. 32Yaŋ anahaŋ awalaŋ zit na: Makram dəzlə va offo aka adawpel səm aka tive, də əprəman səm wən net ɗerewelɗe nak ɓa sa?

33Aka pay vanəski asilyoŋ, amilyoŋ a Yerusalem, arihinik gewleɗ kəlaw kiyit taka, akkalaŋgək dit ɗiy məs dədassoŋ dənɗaŋ, 34aɓɗaŋ na: Gesiŋ kpakə Daya asilke arbanək zən aza Simoŋ. 35Net abotonənək an dəgəɗ aka tive, gəm va arban zən azet darɗan mepteke.

Yesu tay ərban zən azet gewleɗ nani

(MAT 28:16-20; MAR 16:14-18; YOH 20:19-23; WNM 1:6-8)

36Aka adawpeleŋ vaska, ndən pay ziw addekti yaŋ aɓsit na: Zazay dəsan akokum. 37Makret azlaka, ageslne'eŋke, azet na məzvef awlaŋgə. 38Yaŋ aɓsit na: Vi mi kədawgeslne'eŋ di? Vimi əɗɗum vas asan a mokrokum di? 39Mula vaw də təlwa, Intə zək nawa. Mərəŋguwa, mula, vi Əmpəs tay də slu awaniɓa dit slesleŋɗe va kulanən nəsaw dəndən ɓa. 40Adan apel vaska, arban sitik van də tələn. 41Addəv ənnek neti, dətafnən tagay ɓa, yaŋ adaggətaŋgə, aɓsit na: Zəga nawzəm tay avokum aŋ sa? 42Apsənənək pəɗak na kilif məpsani. 43Atafəka, ampər a mahereti. 44Yaŋ aɓsit na: Aŋki əpel naw nədawnah sukum aka nədawsaw də munokum naka. Adahək an məverin akaw addəv mahenziŋ na Moyis də addivit məskəleŋɗe gəm gəlya na Davit pak dəknahgəni. 45Yaŋ akol maɗɗuleti dəprəməngən an məverin, 46aɓsit na: Vaŋki məverin: Kristu wazəm sahã, wasil səka əmta pay mahoko'ən, 47vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem. 48Munokumtə miziweɗe na wənəŋka. 49#WNM 1:4Wanəslən sukum an məs Afu aynan wən nani. Ya məssoŋ a walaŋgəla-metiŋ hã an əɓap sə disiŋ adek akokum kana.

Yesu tay əpeŋ a disiŋ

(MAR 16:19-20; WNM 1:9-11)

50 # WNM 1:9-11 Yaŋ, Yesu ake hã kəla Betani. Aslan van aɗɗa əzaɓ aketi. 51Aka adaɗɗa əzaɓ aketi, awɗakək dənɗaŋ, məslani a disiŋ. 52Neti, sə dərɓaga appu'oŋ sənəni, amndoŋguk a Yerusalem də ənnek metiŋgini. 53Tahəŋ pay pak addəv Gəla na Maŋgəlva, əffet akani.

Nu geselecteerd:

Luka 24: GB

Markering

Deel

Kopiëren