Yowana Obhutangati
Obhutangati
Echitabho chinu ꞉chaakaamirwe na Yowana. Yowana aariga ari umwi mu‑bheeyigisibhwa ekumi na bhabhiri bharya bha Yeesu. ꞉Aakaamire echitabho chinu korereki asakire abheekirisya bhoone, abheekirisya bha Echiyawudi na abhaanu abhandi bhanu bheekirisiisye Yeesu. ꞉Ataakaamire emisango ja obhurame bhwa Yeesu era, tari kaatonda noorwo na emisango ja ebhibharikisyo bhyafu bhinu Yeesu ꞉aakorere, na ameeyigisyo ganu ꞉eeyigisiisye. Emisango ejo joone ejeeresya ati, Yeesu aariga atari muunu era, tari wone aariga ari Nyamuwanga.
Mu‑chitabho chinu, Yowana kaamba kwa okukomeeresya ati Yeesu niwe Musango, Omwana wa Nyamuwanga. Ka wone kaayika ati orufu rwaye ni chitambwa chinu echichungura abhaanu okusooka mu‑bhibhiibhi bhyebhwe, na ati Yeesu niwe Masiya unu abharagi bha Indagano ya Kara ꞉bhaaragire. Mu‑muryango gwa 13–17 kaayikira eryenda rya Yeesu ku‑bheeyigisibhwa bhaaye na emisango jinu ꞉aabhabhwiriiye, korereki abhafungʼamye emyoyo keegoro inu ꞉aagwatirwe. Echitabho chinu echimariisya kwa okutonda kutyo Yeesu ꞉aaramuuywe na okubhumiirirwa ku‑musarabha, na kutyo ꞉aasuuruuywe okusooka mu‑bhafuuwe, na okusoromokera abheeyigisibhwa bhaaye kwiya kaafu.
Nu geselecteerd:
Yowana Obhutangati: jit
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2023, Wycliffe Bible Translators, Inc. All rights reserved.