Matayo 21
21
YEZU NATAHA YERUZALEMU.
1Ka berire hehi na Yeruzalemu, bakahika Betfage, h’ebanga lya Zituni, niho Yezu natuma abahemba be babili, 2nabagambira ati: Mugende mu charo ekili obusyo yanu, aho n’aho mulabonaho ensikirikazi esibikire, n’omwana gwayo hamo na yonene, mugisibure, mundetere; 3mbe omuntu k’alabagambira ekigambo, mugire muti: Lora, Omukama niwe akugyenda, aho honka alizibaha. 4Nawe ebyo byona bikagirwa, niho amagambo gahike ago omulagi yagambire, ati: 5Mugambire omuhara wa Sioni#21, 5 “Omuhara wa Sioni” “nich’echaro” cha Yeruzalemu n’abantu bona abakitwiremo. muti: Ngugu omukama wawe akwiza hal’iwe ali mufura, ahekirwe ensikirikazi n’omwana gwayo, eyamanyire kuheka. 6Abahemba nibagenda, nibagira nk’okwo Yezu yabalagirire. 7Nibaleta ensikirikazi n’omwana gwayo, nibaziyaraho emyenda zabo, nibamuhanamyaho. 8Ebipipi bingi nibiyara emyenda zabo mu muhanda; abandi nibatema amatabi g’amati nibagayara mu muhanda. 9Nawe ebipipi ebyaliga bibembere n’ebyarugaga enuma nibiholima nibigira biti: Hozana oluguru mw’igulu! 10Ka yahikire Yeruzalemu, ekikale chona nikitangara nikigira kiti: Onu ni ga? 11Embaga negira eti: Onu ni Yezu, omulagi wa Nazareti ya Galilaya.
ABATUNZI NIBERUKIBWA MW’EKLEZIA. — ITI ELITARABIRE.
12Yezu nataha mw’eklezia ya Mungu, nairuchamo abaguzaga n’abaguraga mw’eklezia, nakunura emeza z’abahingaga empesa n’ebitebe by’abaguzaga ameba, 13nabagambira ati: Kikayandikwa kiti: Enzu yange eliyetwa enzu y’esala; kai imwe mwagigizire enanga y’abasuma#21, 13 Mu naku nkuru z’Abayahudi abantu bengi bezaga Yeruzalemu kuhereza emiherezo zabo. Abatunzi batahyaga mw’eklezia ebitundwa byabo, nibasusanisya eklezia oti henda n’iguliro chonka. Abandi baletaga efweza z’ekigeni, bahigaga kuzihingya. Mbe Yezu nabihiriwa ebyo nairucha abantu abo mw’eklezia.. 14Abahume n’abasuntizi nibamuzaho mw’eklezia, nabakiza. 15Nawe abakuru b’abasaserdoti n’abandiki ka babwene amahano ago yakolaga, n’abayanda abahamukaga mw’eklezia, nibagira bati: Hozana ha mwana wa Daudi! nibanigahara, 16nibamugira bati: Okuhulira ebyo banu bakutenga? Yezu ati: Yee. Si timukasomaga kinu: Okahikiriza ikuzo mu kanwa ka banamuto n’enkeke ezikwonka?#21, 16 Banamuto abo bakukuza Yezu nka Masiha, engambo y’omulagi. 17Ka yabasigire, naruga mu kikale, nahika Betani, niyo naba wo kwikara. 18Bwanencha ka yasubire mu kikale, enzala nemuruma, 19nalorera iti limo ly’omutini hehi n’omuhanda, nalizaho, nawe kintu nangu, nasangaho amababi gonka, naligambira ati: Tolirabaho kintu n’olumo kuhika mu myaka zona. Aho n’aho omutini nigwoma. 20Abahemba ka babwene, nibatangara nibagira bati: Lyayoma lita kachwi n’ako? 21Yezu nasubamo nabagira ati: Koto nkubagambira nti: Mukaba no kwikiriza, kai mutakutimatimya, timuligira eby’omutini byonka, nawe naho mukagira ibanga linu muti: Rugayo, oyenage mu nanza, kilihika. 22Byona byona ebyo mulisaba mu sala mwikirize, mulihabwa.
OBUHICHA BWA YEZU BUKURUGA HAI? — OLUGANI LW’ABANA BABILI.
23Ka yahikire mw’eklezia, abakuru b’abasaserdoti n’abagurusi b’embaga nibamwizaho nayolekerera, nibagira bati: Binu okubikoza buhicha ki? kai ayakuhere obuhicha obwo ni ga? 24Yezu nasubamo nabagira ati: N’ene nkubabuza ekigambo kimo; ka mulakingambira, mbe nena nimbagambira obuhicha obwo nkukoza binu. 25Batisimu ya Yohana ekaruga hai? ekaruga mw’igulu nangu mu bantu? Bonene nibatekateka mu mitima zabo, nibagira bati: 26Ka tulagira tuti: ekuruga mw’igulu, natugira ati: Kai mukabulira ki kugikiriza? Kai tukagira tuti: ekaruga mu bantu, tukutina embaga, kuba Yohana, bona bamulengaga omulagi. 27Mbe nibasubiramo Yezu bati: Titukumanya. Na wenene nabagambira ati: Hatyo n’ene tinkubagambira obuhicha obwo nkukoza binu#21, 27 Abahate ba Yezu bahigirizaga omwanya gwo kumuhabisya, bahiche kumugirira entambala. Ekibuzyo echo Yezu yababulize kikabazongora, kuba abazigi abo baliga bayangire kwikiriza ebigambo bya Yohana. Yezu hatyo nayatura ha bweru obutekiriza bwabo n’obutini bwabo bw’abantu..
28Imwe mukuchwa muta? Omuntu omo yaliga ali n’abana babili, nagenda ha wo kutandika namugira ati: Mwana wange, roko lero, okole mu muzabibu gwange. 29Ogwo nasubamo nagira ati: Tinkwenda. Nawe kumara nayefuza, nagenda. 30Naza ha wa kabili, wena namugambira atyo. Ogwo nasubamo nagira ati: Nkugenda, sugu; kai nabura kuzayo. 31Mu babili abo ayagizire ebyo ise yayendaga n’oha? Nibagira bati: Owo butandika. Yezu nabagambira ati: Koto nkubagambira nti: Abasoroza n’abasimbe balibebemberera mu bukama bwa Mungu; 32kuba Yohana akeza hal’imwe mu muhanda gurongire, nimubura kumwikiriza; nawe abasoroza n’abasimbe nibamwikiriza; imwe mukabona, kumara nimubura kutamwa, mukamwikiriza#21, 32 Omuntu w’abana babili niwe Mungu. Omwana wo kutandika nibo abasoroza n’abaheni; omwana wa kabili nibo Abafarizayo; Yezu akusima owo kutandika..
OLUGANI LW’ABALIMI ABESIRE OMWANA W’ESEBUGENI.
33Muhulire olugani lundi. Omuntu yaliga ali kanaka, nabyara omuzabibu, nazongerezayo olugo, nasimbamo ikamuliro, natingamo oluguzo, mbe natamo abalimi, kai nagenda mu lugendo. 34Enaku zo kurabiramo ka zahikire hehi, natumira abalimi aberu be bayanankure ebyarabireho. 35Abalimi nibakwata aberu be, ondi nibamutera, ondi nibamwita, ondi nibamulasy’amabale. 36Nasuba kutuma aberu bandi bengi kukira aba mbere, na bonene nibabagira batyo. 37Nawe ha kuhereruka natuma omutabani we, nagira ati: Omwana wange bakumukuza. 38Nawe abalimi ka babwene omwana we, nibagambirana bati: Onu niwe omuhunguzi; mwize tumwite, tubone omuhungulo gwe. 39Nibamukwata, nibamwiha mu muzabibu, nibamwita. 40Mbe kana muzabibu k’aliza, alibagira ata abalimi abo? 41Nibamugira bati: Ababi abo alibeta kubi, kai mu muzabibu gwe atemo abalimi bandi, abalimuha ebikuraba mu naku zabyo. 42Yezu nabagambira ati: Si timukasomaga mu Nandiko, ziti: Ibare elyo abayombeki bayangire elyo likaba lya ha kisago; nikwo Omukama yagizire atyo, kai ni lufubo mu meso getu. 43Nicho nkubagambirira nti: Obukama bwa Mungu balibwiha hal’imwe, babuhe ihanga elirabiza ebirabo byabwo. 44Kai aligwa h’ebale elyo alichekenuka, kai owe liligwera, lilimuhondahonda#21, 44 Mu lugani lwo kutandika Yezu akabasomborera obubi bwabo, muli lunu akwatura ebinaranazo ebilibagwera. Kuruga kara Mungu yatumire abalagi bo kubahabura, kai nibabaranaraza no kubeta. Mungu ati: Ka ntume Omwana wange, balimutina. Waza! Omwana muchelere ogwo n’omusasizi bakamwita kubi h’esazi y’ekikale cha Yeruzalemu. Mbe Mungu nayanga ihanga elyo yaliga yasozire ha butandikiro, kai Eklezia katolika ekatebwaho ha mwanya gwalyo, ezare ebirabo bizima. Abahate ba Mungu n’ab’Eklezia balichekenurwa amani ga Mungu.. 45Mbe abakuru b’abasaserdoti n’Abafarizayo ka bahulire engani ze, nibamanya okwo yagambiriraga bonene. 46Mbe nibahiga kumukwata, nawe bakatina embaga, obwo yamwetaga eti: ni mulagi.
Nu geselecteerd:
Matayo 21: KED1946
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
First published in 1946 by the White Fathers. Published online with the permission of the White Fathers.
