Matayo 16
16
OLUNYAMO LWO MW’IGULU. — ITUMBYO LY’ABAFARIZAYO.
1Abafarizayo n’Abasadusayo nibamuzaho kumuroza, nibamusaba aboleke olunyamo lwo mw’igulu#16, 1 Abahate ba Yezu tibakulemwa kumuroza. Bakumusaba ihano lyo mw’igulu, bahiche kusuba kumubehereza.. 2Wenene nasubamo nabagira ati: Ka hakuba bwebazo, mwagira muti: Gukuba mucho, obw’olutumba lutukwire. 3Kai kanencha, muti: Lero ekihule kikubaho, obw’olutumba lutukwire kiraguzi. 4Nikwo mukumanya kulamura okw’olutumba lukususa, kai enyamo z’amakuru timukuhicha kuzimanya!#16, 4 Yezu akwemanyisya okw’ali Mwana wa Mungu n’amahano ago akukola n’entungwa ze, nawe abahate be bakwanga chonka kumwikiriza, kuti henda bahumire. Oluzaro lubi n’olusihani lunu lukwenda olunyamo; tilukuhabwa olunyamo, raba si olunyamo lwa Yonasi omulagi. Nabasigaho, nagenda.
5Abahemba be nibagenda mwambu gundi, nawe nibayebwa kutwar’emikate. 6Yezu nabagambira ati: Mulekenga, mwelinde h’etumbyo ly’Abafarizayo n’Abasadusayo. 7Nibatekateka mu mitima zabo bati: Kasi! waza! titwaleta emikate. 8Yezu namanya, nagira ati: Mukutekatekera ki mu mitima zanu, imwe abo kwikiriza kuke, okwo mutali na mikate? 9Timukasombokerwe, kai timukwizuka emikate itanu ha bantu bihumbi bitanu, kandi ebitukuru bingaha ebyo mwehireyo? 10Nangu emikate musanzu ha bantu bihumbi bina, kai n’ebitukuru ebyo mwehireyo? 11Mwazibirwa ki kusombokerwa okwo ine ntakubagambira eby’emikate, nti: Mwekenge h’etumbyo ly’Abafarizayo n’Abasadusayo? 12Mbe aho niho nibamanya okwo atabatengeraga kwekenga h’etumbyo ly’emikate, nawe kwekenga ha bwolekerezi bw’Abafarizayo n’Abasadusayo.
KWIKIRIZA KWA PETRO N’OMUHERO GWE.
13Yezu akahika mu luguyo lwa Kaizariya ya Filipo, nabuza abahemba be nagira ati: Abantu bakutenga bati ki eby’Omwana w’omuntu? 14Bonene nibagira bati: Abandi bati: ni Yohana; abandi bati; ni Eliya; kai abandi bati: ni Yeremiya hamo omo mu balagi. 15Yezu nabagambira ati: Imwe kai mukuneta muti ki? 16Simoni Petro nasubamo nagira ati: N’iwe Kristu Omwana wa Mungu asingire. 17Yezu nasubamo namugambira ati: Oli n’omugisa, Simoni mwende Yona, kuba tiwagambirwa engingo n’ensagama, nawe ni Tata ali mw’igulu#16, 17 Petro wenka n’obwenge bwe tiyakuhikize kumanya ekigambo echo, nawe Mungu niwe yamumulikire asombokerwe okwo Yezu ali Mwana wa Mungu.. 18Kai ine nkukugambira okw’oli Petro#16, 18 Ekigambo “Petro” enzonga zacho: “ibale, lukili”. Yezu yamurukire izina elyo abantu bona basombokerwe okw’Omukuru w’Eklezia agumire nk’olukili., kai ha lukili olwo ndiyombekaho Eklezia yange, kai amani g’amasitani tigaligisinga#16, 18 “Amani g’amasitani” nibo abahate ba Mungu bona abakurwana Eklezia katolika mu bantu bona na mu myanya zona huhika ensi kuhwaho. Bakuhicha kwita abakristu, nawe edini ya Yezu Kristu tibaligisinga nangu.. 19Kandi nkukuha enkinguzo z’obukama bwo mw’igulu; byona ebyo olisumika mu nsi bilisumikwa na mw’igulu, na byona ebyo olisurumula mu nsi bilisurumurwa na mw’igulu#16, 19 N’ebigambo ebyo Yezu akuha Entumwa Petro obuhicha n’obukuru bwona mw’Eklezia ye. Papa, omuhunguzi we, wena ali n’obuhicha n’obukuru obwo, kuba Eklezia ya Yezu Kristu ekusimbagirira kuhika ensi kuhwaho.. 20Aho nalagira abahemba be kuleka kugambira omuntu okwo wenene ali Yezu Kristu.
YEZU NALAGA KUFWA KWE NO KUZOKA KWE. — KWEYANGA KW’OMUNTU.
21Kurug’aho Yezu natandika kumanyisya abahemba be okw’ali no kuza Yeruzalemu kunaranazibwa muno abagurusi n’abandiki n’abakuru b’abasaserdoti, no kwitwa, no kuzoka lwa kasatu. 22Petro namusagara ha lubazu natandika kumuzibira, nagira ati: Kikabure, Mukama wange, ebyo bitagirwa hal’iwe! 23Wenene nayekebuka nagira Petro ati: Roko enuma yange, iwe sitani; wandozya; kuba tokunulirwa ebili bya Mungu, nawe eby’abantu#16, 23 Yezu akweta Petro “sitani”, ensonga yacho “omuhakani”, kuba takasombokerwe okwo Omuchunguzi ali no kusasibwa no kufwa, niho achungule abantu..
24Mbe Yezu nagambira abahemba be ati: Omuntu akayenda kundug’enuma, ayeyange, ategule omusalaba gwe, andube. 25Kuba akwenda kukiza omwoyo gwe aligunaga, nawe alinagira ine omwoyo gwe, aligubona. 26Si omuntu akatwar’ensi yona, kai omwoyo gwe gukabura, kukumugasira ki? Hamo omuntu alitaho ki cho kumarana n’omwoyo gwe?#16, 26 Kuruba Yezu nikwo kweyanga, kutegula omusalaba gwetu, kwemera byona kubera Wenene; abahemba ba Yezu tibakuhicha kuruba omuhanda gundi. 27Kuba Omwana w’omuntu aliza mw’ikuzo ly’Ese n’abamalaika be; aho niho alihera buli muntu wena ha bw’ebikorwa bye. 28Koto nkubagambira nti: Haliho abandi abali hanu abataliroz’olufu#16, 28 “Kuroz’olufu” nikwo kufwa. Olufu ni nk’omunwo ogurozibwa buli muntu wena., batabwene Omwana w’omuntu naiza mu bukama bwe#16, 28 Zikarabaho myaka kuti makumi ana, niho Yeruzalemu nesingarikibwa..
Nu geselecteerd:
Matayo 16: KED1946
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
First published in 1946 by the White Fathers. Published online with the permission of the White Fathers.
