Matayo 11
11
YOHANA NATUMA ABAHEMBA BE HALI YEZU. — YEZU NASIMA YOHANA.
1Mbe Yezu, ka yamazire kulagira Entumwa ze ikumi n’ebili, narugayo okwo, naza kwolekerera no kumanyisya mu byaro. 2Mbe Yohana mw’ibohero, ka yahulire ebikorwa bya Yezu, natuma abahemba be babili 3kumubuza, bati: Si n’iwe wenene aliza, nangu tulindeyo ondi? 4Yezu nasubamo nabagambira ati: Mugende, murobeze Yohana ebyo mwahulira n’ebyo mwabona. 5Abahume bakubona, abalemere amaguru bakulibata, abachwekire omubili bakukira, abazibire amatwi bakuhulira, abafwire bakuzoka, abahabi bakwolekererwa Evanjeli. 6Mbe atakusitazibwa ine ali n’omugisa#11, 6 Yezu akwizukiza abahemba ba Yohana amahano ago yakozile, kuba amahano ago galiga gagambirwe abalagi, nk’okwo Masiha alagakola. — Yohana akutuma abahemba be hali Yezu, bahiche kwehulirira abene amakuru g’Omuchunguzi..
7Bonene ka barugireho, Yezu natandika kutengera abantu ebya Yohana, ati: Mukagenda kulora ki mu mbuga? Si ibingo elikutengesibwa omuyaga? 8Nawe mukagenda kulora ki? Si omuntu azwere ebizwaro byorobire? Lora, abazwere ebizwaro byorobire bali mu mazu g’abakama. 9Nawe mukagenda kulora ki? Si omulagi? Hona, nkubagambira nti: Akukira omulagi. 10Kuba niwe bayandikireyo bati: Lora, ine natuma mumalaika wange obusyo yawe, akuchumire omuhanda. 11Koto nkubagambira nti: Mu bazerwe abakazi tihakarugamoga omukuru akukira Yohana Batista; nawe omunoro mu bukama bwo mw’igulu niwe akumukira#11, 11 Yezu, ka yamazire kwolecha obukuru bwa Yohana, akusombora nk’okwo omwana w’Eklezia katolika, niwe omukristu, akukira na Yohana wenene.. 12Kuruga mu naku za Yohana Batista kuhika hati obukama bwo mw’igulu bukugirw’amani, ab’amani nibo bakubusakura. 13Kuba abalagi bona n’Ekilagiro bakalaga kuhika hali Yohana; 14kandi raba nimwenda kuhulira, wenene niwe Eliya aliza. 15Ali n’amatwi go kuhulira, ahulire#11, 15 Yezu akuhikiza koto ebigambo byona by’ekilagiro cha kara n’eby’abalagi. Nawe hati, obwo wenene yezire, omulimo gwa Yohana gwahwa, nk’ogwa Eliya gulihwa, Yezu k’alisuba kwiza ha lunaku olulihereruka..
OBUTEKIRIZA BW’ABAYAHUDI. — EBYARO EBYAZUMIRIZIBWE.
16Oluzaro lunu ndulenganisye na ki? Lukususana n’abana abakuba bekere mw’iguliro, nibayeta abezabo, 17nibagira bati: Twabaterer’engoza, imwe mwabura kuzina; twabaterer’empamo, mwabura kulira. 18Kuba Yohana akeza atakulya, atakunwa, nibagira bati: Ali na sitani. 19Omwana w’omuntu naiza, nalya nanwa, kai nibagira bati: Ni w’omululu, ni mutamizi w’evini, munwani w’abasoroza n’abaheni Nawe obwetegereza niburonga ha bana babwo#11, 19 Emikolere za Yohana n’eza Yezu zikasitaza abantu bengi, nawe abantu b’omutima guyezire bakasombokerwa nibekiriza..
20Aho natandika kuzumiriza ebyaro omwo amahano ge gakolerwe mengi, obwo byabuzire kutamwa. 21Oligabona, iwe Korozaini; oligabona, iwe Betsaida; kuba amahano agakolerwe mul’iwe gakiba gakolerwe muli Tiro na Sidoni, bakwenaraneze kara mu masato na mw’izu. 22Nawe nkubagambira nti: Tiro na Sidoni balitemamo kukira imwe ha lunaku lwo kulamurwa. 23Kai iwe Kafarnahumi, si olyerezibwa kuhika mw’igulu? olihananturwa kuhika kuzimu, kuba amahano agakolerwe mul’iwe gakiba gakolerwe muli Sodoma, yakubere kuhika lero. 24Nicho nkubagambirira nti: Echaro cha Sodoma kilitemamo kukira iwe ha lunaku lwo kulamurwa#11, 24 Yezu akayeta “ab’omugisa” abantu abakumwikirizaho; akuzumiriza ebyaro omwo abantu bamwangira, naho nibabona amahano mengi. Abantu ba Tiro na Sidoni baliga bali babi, nawe tibabwene amahano g’Omuchunguzi. Abagabwene babihire kukiraho, bakabura kwikiriza..
ESALA YA YEZU.
25Mu naku ziliya Yezu akasubamo nagira ati: Kasinge, Tata, iwe Mukawa w’igulu n’ensi, obwo binu wabiserekire ab’owenge n’abakeruke, nobisokorera banamuto. 26Nikwo, Tata, ebyo nibyo byakusemereze bityo. 27Byona nkabihabwa Tata. Tihaliho akumanya Omwana, atali Tata; kai tihaliho akumanya Tata, atali Mwana, n’owe Mwana akwenda kusururiraho. 28Mwize hal’ine, imwe mwena abalemirwe n’abazitoherwe, mbagumye. 29Mwemere ikomyo lyange, nimweyegere hal’ine okwo ine n’ine kana mutima mufura n’omwekehya, kai mubone ekihumuro ch’emyoyo zanu. 30Kuba ikomyo lyange n’inuzi, n’omutegulo gwange gwanguhire#11, 30 Ikomyo n’iti izito elizwekwa ente ezikurura igari. Kutwara ikomyo ni kilenganisyo ch’obuhulizi n’obugume bw’emilimo. Mbe omuntu akutwara ikomyo ly’ondi, ogwo atyo akuba amuhulire muli byona. Kunalira Yezu tikugumire; kumuhulira kukuleta amasemererwa n’obuhumuro mu mwoyo..
Nu geselecteerd:
Matayo 11: KED1946
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
First published in 1946 by the White Fathers. Published online with the permission of the White Fathers.
