JENESI 8
8
1 Oku matukutuku ae gaahi vai. 4 Koe toka ae vaka i Alalate. 7 Koe leveni moe lube. 15 Koe fekau kia Noa, ke ne alu atu mei he vaka. 20 Oku ne fokotuu ae ejifeilaulau, bea o hake ai ae feilaulau, 21 aia oku ma‘u e he Otua, bea ne talaofa ai e ikai toe fakamalaia‘i a mamani.
1BEA nae manatu ae Otua kia Noa, moe mea moui kotoabe, moe faga manu kotoabe aia nae i he vaka mo ia: bea nae bule e he Otua ke alu atu ae matagi i he fuga o mamani, bea nae matuku ai ae gaahi vai; 2Nae tabuni foki ae gaahi matavai oe moana moe gaahi matavai oe lagi, bea nae taofi ae uha mei he lagi; 3Bea nae fakaaau ke matuku ae gaahi vai mei mamani: bea i he fakaoji ae aho e teau ma nimagofulu kuo jii ae gaahi vai. 4Bea nae toka ae vaka i he gaahi mouga o Alalate, i hono fitu oe mahina, i he aho e hogofulu ma fitu oe mahina. 5Bea nae fakajiijii mau ai be ae gaahi vai o a‘u ki hono hogofulu oe mahina: nae ha hake ae tumutumu oe gaahi mouga i hono hogofulu mahina, i he uluaki aho oe mahina.
6Bea i he hiliage ae aho e fagofulu, nae too e Noa ae mataba oe vaka aia naa ne gaohi: 7Bea naa ne tukuage ha leveni, aia nae fealuaki, kae oua ke matuu ae gaahi vai mei he fuga o mamani. 8Naa ne tukuage foki ha lube meiate ia, ke vakai be kuo matuku ae gaahi vai mei he fuga oe kelekele; 9Ka nae ikai ilo e he lube ha tuuaga ki hono aofi va‘e, bea nae foki ia kiate ia ki he vaka, he nae i he fuga o mamani kotoa ae gaahi vai: bea nae mafao atu eia hono nima, o too bea omi ia kiate ia ki he vaka. 10Bea nae toe tatali ia i he aho e fitu; bea ne toe tukuage ae lube mei he vaka; 11Bea nae ha‘u ae lube kiate ia i he efiafi; bea vakai, kuo i hono gutu ae lau‘i olive kuo ne baki‘i: bea toki ilo ai e Noa kuo matuku ae gaahi vai mei he mamani. 12Bea toe tatali ia i he aho e fitu; bea tuku atu ai ae lube; bea nae ikai toe foki mai ia kiate ia.
13Bea i he hoko ki hono onogeau ma taha ta‘u, i he uluaki mahina, i he uluaki aho oe mahina, nae matuu ai ae gaahi vai mei he fonua; bea nae hiki e Noa ae ufiufi oe vaka, o jio, bea vakai, kuo momoa ae fuga oe kelekele. 14Bea nae momoa ae fonua i hono ua oe mahina, i hono uofulu ma fitu oe aho oe mahina.
15Bea nae folofola ae Otua kia Noa, o behe, 16Alu atu mei he vaka, akoe, mo ho unoho, mo ho gaahi foha, moe gaahi unoho o ho gaahi foha mo koe. 17Omi mo koe ae gaahi mea moui kotoabe oku iate koe, i he kakano kotoabe, moe faga manu buna, moe faga manu, bea moe mea totolo kotoabe oku gaolo i he fonua; koeuhi ke nau fanafanau o lahi i he fonua bea tubu, bea fakatokolahi i mamani. 18Bea nae alu atu a Noa, mo hono gaahi foha, mo hono unoho, moe gaahi unoho o hono gaahi foha mo ia: 19Nae alu atu mei he vaka, i ho nau faahiga, ae faga manu kotoabe, moe gaahi mea totolo kotoabe, moe faga manu buna kotoabe, mo ia kotoabe oku totolo i he fonua.
20Bea nae fokotuu e Noa ha ejifeilaulau kia Jihova; bea naa ne too mei he faga manu maa kotoabe, bea mei he faga manu buna nae maa, bea o hake ai ae gaahi feilaulau tutu i he ejifeilaulau. 21Bea nae nanamu a Jihova ki hono gagatu lelei, bea nae behe e Jihova ki hono finagalo, E ikai teu toe fakamalaia‘i ae fonua koeuhi koe tagata; he oku kovi ae gao‘i oe loto oe tagata mei he ene kei jii; bea e ikai teu toe ta‘i ae gaahi mea moui kotoabe o hage koia kuou fai. 22Lolotoga ae tuu a mamani, e ikai tuku ae to ta‘u moe ututa‘u, moe momoko moe bubuha, moe faahita‘u mafana moe faahita‘u momoko, moe aho moe bo.
Nu geselecteerd:
JENESI 8: TWB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
