JENESI 4
4
1 Koe fanau‘i, moe faiva, moe lotu a Keini mo Ebeli. 8 Koe fakabogi o Ebeli. 11 Koe fakamalaia o Keini. 17 Ko Inoke, koe uluaki kolo. 19 Ko Lemeki mo hono ogo unoho. 25 Koe faele a Seti, 26 mo Inosi.
1BEA nae ilo e Atama a hono unoho ko Ivi; bea tuituia ia, bea fanau‘i a Keini, bea behe eia, Kuou ma‘u ha tagata mei a Jihova. 2Bea ne toe fanau‘i a hono tehina ko Ebeli. Bea koe tauhi sibi a Ebeli, ka koe tauhi goue a Keini. 3Bea i he hokojia ae gaahi aho, nae omi e Keini ae gaahi fua oe kelekele, koe feilaulau kia Jihova. 4Bea nae omi foki e Ebeli, ae veloaki mo ia nae gako i he ene faga manu. Bea nae leleiia a Jihova kia Ebeli mo ene feilaulau: 5Ka nae ikai te ne leleiia kia Keini mo ene feilaulau. Bea nae ita aubito a Keini, bea kehe hono mata. 6Bea nae folofola a Jihova kia Keini, Koeha oku ke ita ai? bea koeha oku kehe ai ho mata? 7Kabau te ke fai lelei, ikai e ma‘u koe? bea ka ikai te ke fai lelei, oku i he mataba ae agahala. Bea e aganofo ia kiate koe, bea te ke bule kiate ia. 8Bea nae alea a Ebeli mo hono tokoua: bea lolotoga e na i he goue, nae tuu hake a Keini ki hono tehina ko Ebeli, o ne tamate‘i ia.
9Bea nae folofola a Jihova kia Keini, Koefe a Ebeli ko ho tehina? Bea behe eia, Oku ikai teu ilo: he koe tauhi au a hoku tokoua? 10Bea behe eia, Koeha eni kuo ke fai? oku tagi kiate au mei he kelekele ae le‘o oe toto o ho tehina. 11Bea koeni, kuo fakamalaia koe mei he kelekele, aia kuo fakamaga hono gutu ke ma‘u mei ho nima ae toto o ho tehina; 12Oka ke ka goue‘i ae kelekele, e ikai tubu lelei kiate koe a hono fua; te ke hoko koe feheheaki moe hehegi i he fonua. 13Bea nae behe e Keini kia Jihova, Oku lahi hake a hoku tautea i he eku faa kataki. 14Vakai, kuo ke kabuji au i he aho ni mei he fuga oe fonua; bea e fufu au mei ho fofoga; bea teu feheheaki mo hehegi i he fonua; bea e hoko o behe, ko ia kotoabe oku ilo‘i au e tamate‘i au. 15Bea nae folofola a Jihova kiate ia, Koia ia oku ne tamate‘i a Keini, e to kiate ia ae tautea o liuga fitu. Bea nae ai e Jihova ae fakailoga kia Keini, telia naa ilo ia e ha taha, bea tamate‘i ia.
16Bea nae alu atu a Keini mei he ao o Jihova, ke nofo i he fonua ko Noti, i he botu hahake o Iteni. 17Bea nae ilo e Keini a hono unoho; bea tuituia, ia mo ne fanau‘i a Inoke: bea nae laga eia ae kolo, bea naa ne fakahigoa ae kolo ki he higoa o hono foha ko Inoke. 18Bea nae fanau‘i kia Inoke a Ilati: bea tubu ia Ilati a Mihujeale: bea tubu ia Mihujeale a Metuseeli: bea tubu ia Metuseeli a Lemeki.
19Bea nae ma‘u e Lemeki kiate ia ae ogo unoho: koe higoa oe toko taha ko Ata, bea koe higoa oe toko taha ko Sila. 20Bea nae fanau‘i e Ata a Jebale: koe tamai ia anautolu oku nofo i he gaahi fale fehikitaki mo tauhi ae faga manu. 21Bea koe higoa o hono tokoua ko Jubale: koe tamai ia anautolu kotoabe oku faiva aki ae mea tatagi moe mea oku ifi. 22Bea faele‘i foki e Sila a Tubale‐keini, koe tufuga oe gaahi mea kotoabe i he balasa moe ukamea; bea koe tuofefine o Tubale‐keini ko Neama. 23Bea nae behe e Lemeki ki hono ogo unoho ko Ata mo Sila, Fanogo ki hoku le‘o; ae ogo unoho o Lemeki, fakafanogo ki he eku lea: he kuou tamate‘i ha tagata i hoku lavea, io, koe talavou koeuhi ko eku mamahi. 24Kabau e totogi ia Keini o liuga fitu, koe mooni, e liuga fitugofulu ia lau e fitu kia Lemeki.
25Bea nae toe ilo e Atama a hono unoho; bea faele‘i eia ae tama, bea nae ui hono higoa ko Seti: he nae behe eia, Kuo foaki kiate au e he Otua ha hako e taha koe fetogi o Ebeli, aia nae tamate‘i e Keini. 26Bea nae fanau‘i foki ha foha kia Seti; bea nae ui hono higoa ko Inosi: bea nae kamata ui ae kakai ki he huafa o Jihova.
Nu geselecteerd:
JENESI 4: TWB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
