Genese 25
25
1Abarahama wasumbwili Iŋodindi mukwawu, ijina dindi Ketura.
2Yena wavweli nindi niZimirani, niYokishani, niMedani, niMidiyani, nilshibaki, niShuwa. 3Yokishani wavweli niSheba niDedani. Anyana kaDedani amayala diwu Ashurimi naLetushimi naLewumimi. 4Anyana amayala aMidiyani; iwu Efwa, iwu Efwenai, iwu Hanoki, iwu Abida, iwu Elidaya. Wenawa wejima wawu anyana kaKetura.
5Abarahama wamwinkeli Isaka yuma yindi yejima. 6Hakwila anyanakawanduŋu jindi adiŋiyi nawu Abarahama, Abarahama wayinkeli yamukunkulu. Hohadiŋiyi mumi wayambwili kudi mwanindi Isaka ayi kwituŋa dakumusela.
7Tiyenu nyaka yejima yahandiliyi Abarahama, nyaka nkulakaji nanyakamakumi atanu nayedi nanyaka yitanu. 8Abarahama wumi windi wamufumini, wafwili hawushinakaji wawuwahi, wela dehi kashinakaji wanyakananyaka; amutweli kwayili antaŋa jindi. 9Anyanindi Isaka naIshimeli amujiikili mwiyeŋu daMakapela, mwiha daEfwenaoni mwana kakaHiti Zohari, dekala kwakwihi naMamiri. 10Dodiha dalandiliyi Abarahama kudi anyana kaHeti. Dimu mwaji ikiluwu niAbarahama niŋodindi Sara. 11Cheliliyi Abarahama nafwi dehi, Nzambi hakumukoolekesha mwanindi Isaka. Isaka washakamini kuBeri Lahayi Royi.
12Tiyenu nsaŋu jaIshimeli, mwana kaAbarahama, amuvweleluwu Abarahama kudi kaEjipitu Haga nduŋu yaSara.
13Diwu majina awanyana kaIshimeli amayala, mwomwaya majinawu, mwomwavwalikiluwu; wedi waIshimeli diyi Nebayoti, niKedari, niAdibeyeli, niMibisami, 14niMishima, niDuma, niMasa, 15niHadadi, niTema, niYeturi, niNafwishi, niKedema. 16Wenawa diwu anyana kaIshimeli amayala, diwu majinawu, mwahita nyikala yawu, mwahita niyilombu yawu; anyanta ikumi nayedi mwahita nyuza yawu.
17Tiyenu nyaka yahandiliyi Ishimeli, nyaka nkulukaji namakumi asatunanyaka yitanu nayiyedi. Wumi windi wamufumini, wafwili. Amutwelikwayili antaŋa jindi. 18Kwashakaminuwu kwadiŋi kufumisha kuHavila nakushika kuShuri, kwakwihi naEjipitu, munjila yakuya kuAshuri. Yena washakamini kwakwihi nawana kwindi ejima.
19Tiyenu nsaŋu jaIsaka, mwana kaAbarahama. Abarahama wavweli Isaka. 20Isaka washi kili munyaka makumi awana hasumbwiliyi iŋodindi Rebeka, mwana kakaSiriya Betuweli wakuPadani Arama, muhelakaSiriya Labani. 21Isaka wamulembeleleli nankashi Iŋodindi kudi Yehova, muloŋa wadiŋi nshinta. Yehova wamwitiyili mwejima mwamulembeleleliyi, Iŋodindi Rebeka hakubaaba niivumu. 22Anyana alwishili mwivumudindi. Yena welili nindi, Neyi dimu chikwila, indi ami neli ŋahi? Hakuyanakwihula kudi Yehova. 23Yehova wamwilili nindi, Mwivumu deyimudi nyuza yiyedi, kwivumu deyi kwakaambuka nyichidi yawantu yiyedi, muchidi wumu wakabadika wukwawu Ŋovu; mukulumpi wakamuka lakelaŋa kansi. 24Chiyawanini mafuku mwakusapulukilayi, mwivumu dindikomana mwadiŋi anyana ampamba. 25Wásambilili wedi kili mwivumu wuchinana nge, mujimba windi wejima wawutambu; anamutumbili ijina dindi, nawu Esawu. 26Mwalondeleli nimwanyikindi, chikasa chindi saŋa chakwatila kukatutu kaEsawu; anamutumbili ijina dindi, nawu Yakoba. Hayivweleliyi Rebeka, Isaka washi kili munyaka makumi atanu nadimu.
27Anyana akulili. Esawu wadiŋi chibinda wasweja, muntu wampa takwindi. Yakoba wadiŋi muntu wawunda, washakaminaŋa mumatenti. 28Isaka wakeŋa eli Esawu nanochu chadiilaŋayi mbiji yindi, hakwila Rebeka wakeŋa eli Yakoba.
29Ifuku dimu Yakoba wadiŋi nakuteleka yakudya; Esawu hakufuma mumpata wafwa dehi chinzeya. 30Esawu hakumwila Yakoba, nindi, Anyinkuhu, mwani, oyu yichinana oyu nidyi, nafwi dehi chinzeya. Dichi chanamutu mbililuwu ijina dindi, nawu Edomi. 31Yakoba nindi, Sambila kukunlandisha wuawakulumpi weyi wakusemuka. 32Kuchinka Esawunindi, Ami hinukufwa, wuawakulumpi nakadiilamu ika? 33Yakoba nindi, Sambilaku kusanyika. Yosanyika nikusanyika. Hakumulandisha Yakoba wuawakulumpi windi. 34Yakoba hakumwinka Esawu nidinkendi, nimakundi akuteleka. Wadiili, wanwini, wanyamukili, hakuya kwindi. Dimu mwadiwililiyi Esawu wuawakulumpi windi.
Nu geselecteerd:
Genese 25: MW62
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
The Bible in Lunda: Ndembu (Lunda of Kalunda) © B. F. B. S. 1962.
